ହରିୟାଣାରେ ପୁଣି ଘଟିଛି ନିର୍ଭୟାକାଣ୍ଡ । ଜିନ୍ଦ୍ ଜିଲ୍ଲାରେ ଶନିବାର ସଂଧ୍ୟାରେ ଘଟିଥିବା ଏହି ନାରକୀୟ କାଣ୍ଡର ଶିକାର ହୋଇଥିବା ନାବାଳିକା ଜଣକ ହେଉଛନ୍ତି ଜଣେ ନବମ ଶ୍ରେଣୀର ଛାତ୍ରୀ I ୧୫ ବର୍ଷର ନାବାଳିକାକୁ ଗଣଦୁଷ୍କର୍ମ ପରେ ଅତି ବିଭତ୍ସ ଭାବେ ହତ୍ୟା କରାଯାଇଛି । ପୁରା ଶରୀରକୁ ଦୁଷ୍କର୍ମକାରୀ ମାନେ କ୍ଷତ ବିକ୍ଷତ କରି ଏକ କେନାଲ ରେ ଫୋପାଡ଼ିଦେଇଛନ୍ତି I କେନାଲରୁ ମୃତ ଦେହକୁ ଉଦ୍ଧାର ପରେ ଶବ ବ୍ୟବଛେଦ କରାଯାଇଛି । ଶରୀରର ମୁହଁ, ମୁଣ୍ଡ, ଛାତି ଓ ହାତ ରେ ମିଳିଛି ମୋଟ୍ ୧୯ଟି କ୍ଷତ । କେବଳ ଏତିକି ନୁହଁ ନାବାଳିକାର ଗୁପ୍ତାଙ୍ଗରେ ଗଭୀର କ୍ଷତ ହୋଇଥିବା ବ୍ୟବଛେଦ ରିପୋର୍ଟ ରୁ ସୂଚନା ମିଳିଛି । ନାବାଳିକା ସହିତ ଅତି ଅମାନୁଷିକ ଭାବେ ଗଣଦୁଷ୍କର୍ମ ପରେ ତା ଗୁପ୍ତାଙ୍ଗରେ କିଛି ବାହ୍ୟ ଜିନିଷ ପ୍ରବେଶ କରାଯାଇଥିଲା ଏବଂ ମୃତ୍ୟୁ ପରେ କେନାଲ କୁ ଫିଙ୍ଗି ଦିଆଯାଇଥିଲା । ପୋଲିସ ଘଟଣାର ଅନୁସନ୍ଧାନ କରୁଛି । ଏପର୍ଯ୍ୟନ୍ତ ହତ୍ୟାକାରୀର କୌଣସି ସୁରାକ୍ ପାଇନି ପୋଲିସ । ଏଭଳି ଘଟଣା ପରେ ନାବାଳିକା ର ପରିବାର ଲୋକେ ଶବକୁ ସଂସ୍କାର ପାଇଁ ନେବାକୁ ମନା କରିଦେଇଛନ୍ତି । ସିବିଆଇ ତଦନ୍ତ ସହିତ ଦୋଷୀକୁ କଡା ଦଣ୍ଡ ପାଇଁ ଅଡ଼ି ବସିଛନ୍ତି ପରିବାର ଲୋକେ ।
ହରିୟାଣାରେ ନବମ ଶ୍ରେଣୀ ଛାତ୍ରୀ କୁ ଗଣ ଦୁଷ୍କର୍ମ ପରେ ଅତି ବିଭତ୍ସ ଭାବେ ହତ୍ୟା
