ନବମ ଶ୍ରେଣୀର କୋମଳମତି ନାବାଳିକା ଟିଏ ୪ଜଣ ଯବାନ ଙ୍କ ଦ୍ୱାରା ଗଣଦୁଷ୍କର୍ମ ହେବା ପରେ ନ୍ୟାୟ ପାଇଁ ଦଉଡ଼ି ଦଉଡ଼ି ଶେଷରେ ମାନସିକ ଭାରସମ୍ୟ ହରାଇ ଗଣଦୁଷ୍କର୍ମ ର ୧୦୦ ଦିନ ପରେ ରସି ଲଗାଇ ଆତ୍ମହତ୍ୟା ପଥକୁ ବାଛିନେଲା । ପୂର୍ବରୁ ବାରମ୍ବାର ପୀଡିତା ଜଣକ କହୁଥିଲା ମୋ ଉପରେ ମାନସିକ ଚାପ ପକାଯାଉଛି , ମୋ ଜୀବନ ପ୍ରତି ବିପଦ ଅଛି ହେଲେ ତା କଥା ଶୁଣୁଛି କିଏ ? ଏଠି ତ ସମସ୍ତଙ୍କର ଗୋଟେ ଇସ୍ୟୁ ଦରକାର ନା ହୀନ ରାଜନୀତି ପାଇଁ I ଏ ହୀନ ରାଜନୀତି ପାଖରେ କୁନ୍ଦୁଲି ର ଇଜ୍ଜତ କୁ ପଚାରେ କିଏ ? ବଂଚିଥିବା ବେଳେ ପୀଡ଼ିତାଙ୍କୁ ନେଇ ବହୁତ ରାଜନୀତି କରିଥିଲେ ରାଜ୍ୟର ସମସ୍ତ ରାଜନୈତିକ ଦଳ ଗୁଡ଼ିକ ।ଆଉ ଏବେ ମଲା ପରେ ବି ରାଜନୀତି କରିବାକୁ ପଛାଉ ନାହାନ୍ତି ରାଜନେତାମାନେ । ଛି ଏଇ କଣ ଆମ ମାନସିକତା ? ରାଜନୀତି ? ଶାସକ ଦଳ ପାଇଁ ଏହା ଏକ ଅତି ନିନ୍ଦନୀୟ ଘଟଣା ଯେ ଦୀର୍ଘ ୧୦୦ ଦିନ ପରେ ମଧ୍ୟ ସେମାନେ ନାବାଳିକା କୁ ନ୍ୟାୟ ଦେଇ ପାରିଲେନି ଯାହା ଫଳରେ ନାବାଳିକା ଟି ବାଧ୍ୟ ହେଇ ଆତ୍ମ ହତ୍ୟା କଲା I ତେବେ ଆଗ ଧାଡ଼ିର ଡିଣ୍ଡିମ ପିଟୁଥିବା ଚତୁର୍ଥ ସ୍ତମ୍ଭ ଗଣମାଧ୍ୟମ ଗୁଡିକ ଏବଂ ବିରୋଧୀ ଦଳ ମାନେ କୁଆଡେ ଯାଇଥିଲେ ଆଜି ପର୍ଯ୍ୟନ୍ତ ?
ଅକ୍ଟୋବର ୧୦ ତାରିଖରେ ପୀଡିତା ଗଣଦୁଷ୍କର୍ମ ଶିକାର ହେଇଥିଲେ ୪ଜଣ ଯବାନ ଙ୍କ ଦ୍ୱାରା ଏବଂ ପରେ ଗୁରୁତ୍ୱର ଅବସ୍ଥାରେ କୋରାପୁଟ ମେଡ଼ିକାଲରେ ଭତ୍ତିହେଲେ । I ବୋଧହୁଏ ଯବାନ ମାନଙ୍କର କୁକର୍ମ କୁ ଲୁଚାଇବାକୁ ଖୋଦ ପୋଲିସ ଡ଼ିଜି ମହୋଦୟ ଜବାବ ରଖିଲେ “ଯବାନ ଏହି ଦୁର୍ଷମରେ ସଂପୃକ୍ତ ନାହାନ୍ତି” ।ଯାହାକୁ ନେଇ ସେତେବେଳେ ବହୁ ତୁମ୍ବିତୁଫାନ ହେଇଥିଲା I ଏହାକୁ ନେଇ ଉଭୟ ବିରୋଧୀ ଦଳ ରାଜରାସ୍ତାକୁ ଓହ୍ଲାଇ ଥିଲା । ତେବେ ସବୁଠୁ ବଡ ବିସ୍ମୟ ଲାଗିଥିଲା ସେତେବେଳେ ଯେତେବେଳେ ଏଚଆପିସି ଏଡ଼ିଜି ବୟାନ ରଖିଥିଲେ ଯେ ” ପୀଡ଼ିତା ସହ ଦୁର୍ଷମ ହୋଇନାହିଁ ବୋଲି ” ନୀରିହା ନାବାଳିକା ଝିଅଟେ କେତେ ବା ସହିବ ? ମାନସିକ ଭାରସାମ୍ୟ ହରାଇବସିଲା I ଏପରିକି ଖୋଦ ପୋଲିସ ଡ଼ିଜି ତାଙ୍କୁ ୯୦ ହଜାର ଟଙ୍କା ଅଫର କରି କେଶ କୁ ରଫାଦଫା କରିଦେବାକୁ ଚାପ ପକାଉଥିବା ଅଭିଯୋଗ ମଧ୍ୟ ଗଣମାଧ୍ୟମ ରେ କଲା । ସମସ୍ତେ ସବୁ ଶୁଣିଲେ ତାକୁ ନ୍ୟାୟ ଦେବା ପାଇଁ ଲଢେଇ କରିବେ ବୋଲି କହିଲେ । ହେଲେ କିଏ ବା ବୁଝିଲା ତା ବେଦନା ? ଶେଷରେ ବ୍ୟବସ୍ତା ଉପରୁ ଆସ୍ଥା ହରେଇଦେଲା ଝିଅଟି I ବୋଧହୁଏ ସେ ବୁଝିସାରିଥିଲା ଏଠି ତାକୁ କେଭେଁବି ନ୍ୟାୟ ମିଳିବନି ଠିକ ବେବିବା ଆଉ ଇତିଶ୍ରୀ ପରି I ଦୁଷ୍କର୍ମ ବେଦନା ଠାରୁ ଲୋକଲଜ୍ୟା ଆଉ ନ୍ୟାୟିକ ଉପହାସ ଆଉ ସାହିପାରିଲାନି ବେକରେ ରଶି ଲଗେଇ ସବୁଦିନ ପାଇଁ ଝୁଲିପଡିଲା I ଭାବିଥିଲା ଅନ୍ତତଃ ମୃତ୍ୟୁ ପରେ ଏବେ ସେ ଶାନ୍ତି ପାଇବ I କିନ୍ତୁ ନା କିଏ ପଚାରେ ତା ଶାନ୍ତି କୁ ? ଯେଉଁଠି ଦୁଷ୍କର୍ମ ର 100 ଦିନ ପରେ ନ୍ୟାୟ ପାଇଲାନି ସେଠି ପୁଣି ଶାନ୍ତି ମିଳିବ ? ମୃତ୍ୟୁ ପରେ ଚାଲିଲା ହୀନ ରାଜନୀତି I ଅପାରଗ ସରକାର ଙ୍କ ନ୍ୟାୟିକ ବ୍ୟବସ୍ତା କୁ ସେପଟେ ବିରୋଧୀ ମାନଙ୍କ ସ୍ୱାର୍ଥ ପାଇଁ ଯେମିତି ମୋହରା ପାଲଟିଗଲା ଅସହାୟା କୁନ୍ଦୁଲି ପୀଡିତା I ମୃତ୍ୟୁ ର 24 ଘଣ୍ଟା ଗଡିଯାଇଥିଲେ ବି ଏଯାଏ ଶବ ବ୍ୟବଚ୍ଛେଦ ହେଇ ପାରୁନି I ତେବେ ଅସହାୟା କୁନ୍ଦୁଲି ପୀଡିତା ର ମୃତ୍ୟୁ ପାଇଁ ଦାୟୀ କିଏ ? ସରକାର ଙ୍କ ବ୍ୟବସ୍ତା ଯେତିକି ଦାୟୀ ସେତିକି ପରିମାଣରେ ଗଣମାଧ୍ୟମ, ବିରୋଧୀ ଦଳ , କଥାକଥିତ ସମାଜସେବୀମାନେ ନୁହନ୍ତି କି ? ସମସ୍ତେ କେବଳ ନିଜ ସ୍ୱାର୍ଥ ପାଇଁ ବ୍ୟସ୍ତ I ନଚେତ କେବଳ ସ୍ମାରକପତ୍ର ଓ ଗଣମାଧ୍ୟମରେ ବୟାନ ଦେଇ ଦୀର୍ଘ 100 ଦିନ ପର୍ଯ୍ୟନ୍ତ ଚୁପ ହୋଇ ରହିଗଲେ କାହିକଁ? । ସରକାର ଦୋଷମୁକ୍ତ,ବିରୋଧୀ ଦୋଷ ଲଦିବା ଓ ଏହାକୁ ରାଜନୈତିକ ପ୍ରସଙ୍ଗ କରିବା , କଥାକଥିତ ସମାଜସେବୀମାନେ ଘଟଣାକୁ ନେଇ ନିଜର ପରିବା ପଣିଆ ଜାହିର କରିବା ଓ ଗଣମାଧ୍ୟମ ନିଜର ଟିଆର୍ପି ପାଇଁ ବ୍ୟାକୁଳିତ ହେବା ଛଡା ମିଳିଲା କଣ ? କେହି ବି ଜଣେ ପୀଡ଼ିତା କିପରି ନ୍ୟାୟ ପାଇବା ସେ ଚିନ୍ତା କଲେ ନାହିଁ । ଏବେ କେବଳ ହୀନ ରାଜନୀତି ନୁହେଁ ତ ଆଉ କଣ ୟାକୁ କୁହାଯିବ ?
