ଏମିତି ସଂକେତ ଆସିଲେ ଜାଣନ୍ତୁ ମୃତ୍ୟୁ ଆସିଗଲା ବହୁତ୍ ପାଖରେ

କଥାରେ ଅଛି ମର୍ତ୍ୟ ମଣ୍ଡଳେ ଦେହ ବହି ଦେବତା ହେଲେ ହିଁ ମରଇ I ସେଥିପାଇଁ ସ୍ୱୟଂ ମର୍ଯ୍ୟାଦା ପୁରୁଷୋତ୍ତମ ରାମଚନ୍ଦ୍ର ହୁଅନ୍ତୁ କିମ୍ବା କୃଷ୍ଣ ହୁଅନ୍ତୁ ସମସ୍ତେ ଏହି ନିୟମ କୁ ପାଳନ କରି ଦେହ ତ୍ୟାଗ କରିଥିଲେ I ଭଲ କର୍ମ କରିଥିଲେ ସ୍ୱର୍ଗ ପ୍ରାପ୍ତି ହେଇଥାଏ ଏବଂ ଖରାପ କର୍ମ ପାଇଁ ନର୍କ ଯନ୍ତ୍ରଣା ଦିଆଯାଏ ବୋଲି ବିଶ୍ୱାସ କରାଯାଏ I

ମୃତ୍ୟୁର ଦେବତା ଯମରାଜ ହିଁ ଏ ସବୁର ଟିକ ନିକ୍ ଖବର ରଖନ୍ତି ବୋଲି ଆମର ବିଶ୍ୱାସ ରହିଛି I କୁହାଯାଏ ମୃତ୍ୟୁ କେତେବେଳେ ଆସିବ ତାହା କହିହେବନି କିନ୍ତୁ ଗରୁଡ ପୁରାଣ ବିଶ୍ୱାସ ଅନୁଯାଇ ମୃତ୍ୟୁ ପୂର୍ବରୁ ଯମରାଜ ଚାରୋଟି ସଂକେତ ଦେଇଥାନ୍ତି ଯାହାଦ୍ୱାରା କି ମନୁଷ୍ୟ ବହୁ ପୂର୍ବରୁ ସତର୍କ ହେଇ ତାର ବାକି ଥିବା କର୍ମକୁ ପୂରଣ କରିପାରିବ I

ଯେମିତିକି ବୃଦ୍ଧ ବୃଦ୍ଧା ମାନେ ସମୟ ର ଶେଷ ପର୍ଯ୍ୟାୟରେ ଉପନୀତ ହେଲେ ସେମାନଙ୍କୁ ଜଣାପଡ଼ିଯାଇଥାଏ ଅନ୍ତିମ ସମୟ ସେଥିପାଇଁ ସେମାନେ ସେମାନଙ୍କର ପ୍ରିୟଜନ , ବନ୍ଧୁବାନ୍ଧବ ମାନଙ୍କୁ ଖୋଜନ୍ତି କିମ୍ବା କିଛି ଅକୁହା କଥା ଥିଲେ ପ୍ରକାଶ କରିଥାନ୍ତି I

1) ବୟସ ର ସାୟାନଃ ସମୟରେ ପ୍ରଥମେ ଚୁଟି ପାଚି ଧୋବ ଫର ଫର ହେଇଥାଏ ଅର୍ଥାତ ଯମରାଜ ସୂଚନା ଦେଇଥାନ୍ତି ଯେ ହେ ମନୁଷ୍ୟ ଏବେ ତୋର ସମୟ ସରିଲା , ଯେ କୌଣସି ମୁହୂର୍ତ୍ତରେ ତୁ ପାଚିଲା ପତ୍ର ପରି ଝଡ଼ିଯିବୁ , ତେଣୁ ଏବେ ଠାରୁ ମୋହମାୟା ଛାଡି ଭଲ କର୍ମ କର I

2) ବୟସ ର ଶେଷ ସମୟ ଆସିଲେ ଦାନ୍ତ ଝଡିଥାଏ , ବଂଚିବା ପାଇଁ ଖାଦ୍ୟ ର ଆବଶ୍ୟକତା ଜରୁରୀ ,ଦାନ୍ତ ଝଡିଗଲେ ଖାଦ୍ୟ ଖାଇବା ଏତେ ସହଜ ହେଇନଥାଏ , ଖାଦ୍ୟ ସାହରେ ହଜମ ହେଇନଥାଏ ,ଯାହା ଫଳରେ ଯମରାଜ ସୂଚନା ଦେଇଥାନ୍ତି ଏବେ ଏ ଖାଦ୍ୟ ଲୋଭରୁ ନିଜକୁ ଦୁରେଇ ରଖ ତୋ ଶେଷ ସମୟ ଉପନୀତ ହେଲା I

3) ତୃତୀୟ ସନ୍ଦେଶ ସେତେବେଳେ ଆସିଥାଏ ଯେତେବେଳେ ମନୁଷ୍ୟ ଅଣ୍ଟା ସଳଖି ଠିଆ ହେଇପାରିନଥାଏ I

ଅର୍ଥାତ ଏ ଦେହ ର ଭାର କୁ ସମ୍ଭାଳିବାକୁ ମନୁଷ୍ୟ ଏବେ ସକ୍ଷମ ନୁହେଁ , ଅନ୍ୟର ସାହାରା ନେବାକୁ ଚେଷ୍ଟା କରିଥାଏ ସେତେବେଳେ ଯମରାଜ ସୂଚନା ଦେଇଥାନ୍ତି ଯେ ଏବେ ଅନ୍ୟର ସାହାରା ନେବା ବନ୍ଦ କର ଭଗବାନ ଙ୍କ ସାହାରା ଖୋଜ ସେ ହିଁ ତୁମକୁ ମୁକ୍ତି ଦେବେ I
4) ଚତୁର୍ଥ ସନ୍ଦେଶ ସେତେବେଳେ ଆସିଥାଏ ଯେତେବେଳେ ମନୁଷ୍ୟର ଜ୍ଞାନଇନ୍ଦ୍ରିୟ ଯଥା ଘ୍ରାଣ ଶକ୍ତି , ଦୃଷ୍ଟି ଶକ୍ତି , ଶ୍ରବଣ ଶକ୍ତି ହ୍ରାସ ହେବାରେ ଲାଗିଥାଏ I