ସବୁଠୁ ଅଧିକ ଚର୍ଚ୍ଚାରେ ଥିବା ଢେଙ୍କାନାଳ ବିଧାନସଭା ପାଇଁ ବିଜେପି ପକ୍ଷରୁ କୃଷ୍ଣଚନ୍ଦ୍ର ପାତ୍ର କଂଗ୍ରେସ ରୁ ନବୀନ ନନ୍ଦ ଏବଂ ବିଜେଡି ରୁ ସୁଧୀର ସାମଲ ଙ୍କ ମଧ୍ୟରେ ତ୍ରିମୁଖୀ ଲଢେଇ ହେବାକୁ ଯାଉଛି I ବିଶେଷ କରି ବିଜେଡି ପାଇଁ ଅନେକ ଆଶାୟୀ ପ୍ରାଥୀ ଥିବାବେଳେ ବାଜି ମାରିନେଇଥିଲେ ସୁଧୀର I ନିର୍ବାଚନ ପୂର୍ବରୁ ତିନି ପ୍ରାଥୀ ଜୋରଦାର ଲଢେଇ ଜାରି ରଖିଥିବା ବେଳେ ଆଗରେ ଅଛନ୍ତି ସୁଧୀର ସାମଲ I ପୂର୍ବଥର ବିଜେଡିରୁ ନବୀନ ଙ୍କୁ ଟିକେଟ ନମିଳି ସରୋଜ ସାମଲ ଙ୍କୁ ମିଳିଥିଲା ଫଳରେ ତାଙ୍କ ସମର୍ଥକ ମାନେ ଅସନ୍ତୁଷ୍ଟ ଥିଲେ ଯାହାର ଫାଇଦା ମିଳିଥିଲା ବିଜେପି କୁ I
କୃଷ୍ଣପାତ୍ର 65,789 ଭୋଟ ପାଇଥିବା ବେଳେ ସରୋଜ ପାଇଥିଲେ 69,083 I ମାତ୍ର 3294 ଭୋଟ ବ୍ୟବଧାନ ରେ ବିଜୟ ହାସଲ କରିଥିଲେ ବିଜେଡି ପ୍ରାଥୀ ସରୋଜ I ଏଥରକ କିନ୍ତୁ ସ୍ଥିତି ସମ୍ପୂର୍ଣ୍ଣ ବଦଳିଯାଇଛି I ନବୀନ ନନ୍ଦ କଂଗ୍ରେସ ରେ ସାମିଲ ହେଇ ନିର୍ବାଚନ ଲଢ଼ୁଥିବା ବେଳେ କଂଗ୍ରେସ ଛାଡି ବିଜେଡି ରେ ସାମିଲ ହେଇଛନ୍ତି ସିଦ୍ଧେଶ୍ବରୀ ମିଶ୍ର I ପୂର୍ବଥର ସେ 30,571 ଭୋଟ ପାଇଥିଲେ ଯାହାର ଫାଇଦା ସିଧାସଳଖ ସୁଧୀର ନେବାକୁ ଅଣ୍ଟା ଭିଡିଛନ୍ତି କାହିଁକିନା ସୁଧୀର ମଧ୍ୟ କଂଗ୍ରେସ ର ଜଣେ ପୁରୁଖା ନେତା ,ତେଣୁ କଂଗ୍ରେସ କର୍ମୀଙ୍କ ସମର୍ଥନ ତାଙ୍କ ପ୍ରତି ରହିବା ସ୍ୱାଭାବିକ I
ଏସବୁ ମଧ୍ୟରେ ପ୍ରଚାର ମୈଦାନ ରେ ଆଗରେ ଅଛନ୍ତି ସୁଧୀର Iଢେଙ୍କାନାଳ ରେ ତାଙ୍କ ନିଜସ୍ୱ ଭୋଟ ରହିଥିବା ବେଳେ,ପୁରୁଣା ସହକର୍ମୀ କଂଗ୍ରେସ ଏବଂ ବର୍ତମାନର ବିଜେଡି ସହଯୋଗରେ ଢେ଼ଙ୍କନାଳ ରେ ବାଜି ମାରି ନେବାକୁ ନିଆରା ଉଦ୍ୟମ ଚଳାଇଛନ୍ତି ସୁଧୀର I
