ଆଜି ପ୍ରଧାନମନ୍ତ୍ରୀ ଭାବରେ ଶପଥ ଗ୍ରହଣ କରିବେ ନରେନ୍ଦ୍ର ମୋଦି। ତେଣୁ ମୋଦି ଙ୍କ ଶପଥ ଗ୍ରହଣ ଅମାରୋହ କୁ ଆଖି ଆଗରେ ରଖି ଗୁରୁବାର ଦିନ ରାଷ୍ଟ୍ରପତି ଭବନ ର ଆଖପାଖ ରେ ଥିବା ସରକାରୀ କାର୍ଯ୍ୟାଳୟ କୁ ବନ୍ଦ କରିଦେବାକୁ ନିର୍ଦେଶ ଦିଆଯାଇଛି। କାର୍ମିକ ମନ୍ତ୍ରଣାଳୟ ଏକ ଆଦେଶ ଜାରି କରି କହିଛି ଯେ ନର୍ଥ ବ୍ଲାକ, ସାଉଥ୍ ବ୍ଲାକ୍, ରେଳ ଭବନ, ସେନା ଭବନ, ବାୟୁ ଭବନ, ଡିଆରଡିଓ ଓ ହଟମେନ୍ଟସ୍ଥିତ ସରକାରୀ କାର୍ଯ୍ୟାଳୟ ଗୁରୁବାର ଦିନ ଦୁଇଟା ସମୟ ପରେ ବନ୍ଦ ହୋଇଯିବ। ଶପଥ ଗ୍ରହଣ କାର୍ଯ୍ୟ କୁ ଠିକ୍ ଭାବରେ ତୁଲାଇବାକୁ ଏଭଳି କରାଯାଇଛି।
ରାଷ୍ଟ୍ରପତି ରାମନାଥକୋବିନ୍ଦ୍ ଆସନ୍ତା କାଲି ସନ୍ଧ୍ୟା ୭ ଟା ସମୟ ରେ ପ୍ରଧାନମନ୍ତ୍ରୀ ଓ କେନ୍ଦ୍ରୀୟ ମନ୍ତ୍ରୀମଣ୍ଡଳ ର ଅନ୍ୟାନ୍ୟ ମନ୍ତ୍ରୀ ମାନଙ୍କୁ ଗୋପନୀୟତା ସହ ସପଥ ପାଠ କରାଇବେ। ଏହି ଶପଥ ପାଠ ସମୟରେ ୬୫୦୦ ଅତିଥି ସାମିଲ ହେବେ। ପ୍ରଧାମନ୍ତ୍ରୀଙ୍କ ଶପଥଗ୍ରହଣ ପାଇଁ ସମସ୍ତ ମନ୍ତ୍ରଣାଳୟ ର କାର୍ଯ୍ୟାଳୟ ସମୟ ପୂର୍ବରୁ ବନ୍ଦ ହୋଇଯିବ। ନରେନ୍ଦ୍ର ମୋଦୀ ପ୍ରଧାନମନ୍ତ୍ରୀ ଭାବରେ ଶପଥଗ୍ରହଣ କରିବା ପୂର୍ବରୁ ଆସନ୍ତା କାଲି ସକାଳ ୭ ଟା ରେ ପୂର୍ବତନ ପ୍ରଧାନମନ୍ତ୍ରୀ ଅଟଳବିହାରି ବାଜପେୟୀ ଙ୍କ ସମାଧି ସ୍ଥଳ କୁ ଯାଇ ଶ୍ରଦ୍ଧାଞ୍ଜଳି ଅର୍ପଣ କରିବେ।