ହାତ ଟେକିଦେଲେ ସରକାର ବିକ୍ରି ହେବ ୱେସ୍କୋ ଏବଂ ସାଉଥ କୋ, ବିଦ୍ୟୁତ ବିଭାଗର ଘରୋଇକରଣ ପାଇଁ ଡକାଗଲା ଟେଣ୍ଡର

ନିକଟରେ ବାତ୍ୟା ଫନି ବିଦ୍ୟୁତ ବିଭାଗ କୁ ଧ୍ୱସ୍ତବିଧ୍ୱସ୍ତ କରି ଚାଲିଯାଇଥିବା ବେଳେ ଦିନରାତି ଅକ୍ଲାନ୍ତ ପରିଶ୍ରମ କରି ବିଦ୍ୟୁତ ବ୍ୟବସ୍ତା ରେ ସୁଧାର ଆଣି ଚର୍ଚ୍ଚା ରେ ଥିଲେ ବିଦ୍ୟୁତ ବିଭାଗ ର କର୍ମଚାରୀ I ଗଣମାଧ୍ୟମ ଠାରୁ ଆରମ୍ଭ କରି ସୋସିଆଲ ମିଡ଼ିଆ ପର୍ଯ୍ୟନ୍ତ ସବୁଠି ରାତାରାତି ପାଲଟିଯାଇଥିଲେ ହିରୋ I ତେବେ ପୁଣି ଥରେ ଚର୍ଚ୍ଚା କୁ ଆସିଛି ବିଦ୍ୟୁତ ବିଭାଗ I ବିଦ୍ୟୁତ ବିଭାଗ ଏକ ଗୁରୁତ୍ୱପୂର୍ଣ୍ଣ ବିଭାଗ ହେଇଥିଲେ ମଧ୍ୟ ବୋଧହୁଏ ସବୁଠୁ ଅବହେଳିତ ଏହି ବିଭାଗଟି I ଦୀର୍ଘ ଦଶନ୍ଧି ଧରି ଏହି ବିଭାଗ ଏବଂ ଏହାର କର୍ମଚାରୀ ଅବହେଳିତ ଥିଲେ ମଧ୍ୟ ସତେ ଯେପରି କାହାର ନଜର ନାହିଁ ଏମାନଙ୍କ ପ୍ରତି I

ବିଶେଷ କରି ସେସୁ ରେ ଫ୍ରାଞ୍ଚାଇଜ ଘୋଟଲା ଚାଲିଥିବା ବେଳେ ଏବେ ପୁଣିଥରେ ୱେସ୍କୋ ଏବଂ ସାଉଥ କୋ କୁ ଘରୋଇ କମ୍ପାନୀ ହାତରେ ଟେକିଦେବା ପାଇଁ ଟେଣ୍ଡର ଡାକିଚି ଓଇଆରସି I

ପୂର୍ବରୁ ମଧ୍ୟ ଏନେଇ ଅନେକ ବାର ଉଦ୍ୟମ ସରିଥିଲେ ବି କୌଣସି କମ୍ପାନୀ ଆଗ୍ରହ ପ୍ରକାଶ କରିନଥିବାରୁ ପୁନର୍ବାର ଘରୋଇକରଣ ପାଇଁ ଅଣ୍ଟା ଭିଡିଛି ଓଡିଶା ବିଦ୍ୟୁତ ନିୟାମକ I ଏନେଇ ବାହାରିଥିବା ବିଜ୍ଞାପନ ଅନୁଯାଇ ଆଜି 28.06.2019 ତାରିଖ ରୁ ଏହି ଫର୍ମ ଅନଲାଇନ ରେ ମିଳିପାରିବ ଏବଂ 25ଜୁଲାଇ ରେ ଏ ସମ୍ପର୍କିତ ବୈଠକ ବସି ସ୍ଥିର କରାଯିବ I

Leave a Reply

Your email address will not be published. Required fields are marked *