ନିକଟରେ ନେସ୍କୋ ୱେସ୍କୋ ,ସାଉଥକୋ କୁ ଘରୋଇକରଣ ପାଇଁ ଟେଣ୍ଡର ଡ଼କାଯାଇଥିବା ବେଳେ ପୁଣି ସେସୁ ରେ ଫ୍ରାଞ୍ଚାଇଜ କରଣ ପାଇଁ ଚାଲିଛି ପ୍ରସ୍ତୁତି I ଏନେଇ ଟେଣ୍ଡର ମଧ୍ୟ ଡକାଯାଇଛି I କିଛିଦିନ ତଳେ ଅହେତୁକ କ୍ଷତି ଦର୍ଶାଇ ସେସୁ କୁ ବିକ୍ରୀକରିଦେବାକୁ ବିଭାଗ ନୋଟିସ କରିଥିବା ବେଳେ ଏହାକୁ ନେବାପାଇଁ ଅଣ୍ଟା ଭିଡ଼ିଥିଲେ ଇଣ୍ଡିଆ ପାୱାର ଏବଂ ଟାଟା ପାୱାର I ଏନେଇ ଉଭୟ ଟେଣ୍ଡର ଦାଖଲ କରିଥିଲେ I ତେବେ ସେସୁରେ ଫ୍ରାଞ୍ଚାଇଜ ନେଇଥିବା ଏସୟୁପିଏଲ ,ଆରୟୁପିଏଲ ,ଫେଡ଼କୋ ଏବଂ ଏଂଜେନ ର ଚୁକ୍ତି ମୀଆଦ ମାର୍ଚ୍ଚ 2018 ରେ ସରିଯାଇଥିବା ବେଳେ ଏହାକୁ 3/4 ମାସ କରି 2019 ଜୁନ ପର୍ଯ୍ୟନ୍ତ ବୃଦ୍ଧି କରାଯାଇଥିଲା ଯାହାକି 2020ମାର୍ଚ୍ଚ ପର୍ଯ୍ୟନ୍ତ ବଳବତ୍ତର ରହିବ I
ୟା ମଧ୍ୟରେ ପୁଣିଥରେ ସେସୁ ର 15ଟି ଡିଭିଜନ କୁ 10ବର୍ଷ ପାଇଁ ଫ୍ରାଞ୍ଚାଇଜ ହାତକୁ ଟେକିଦେବା ପାଇଁ
ଟେଣ୍ଡର ବାହାରିଛି ,ଯାହାକୁ ନେଇ ଦ୍ଵନ୍ଦ ଉଠିଛି
I ଗୋଟେ ପଟେ ଏହି ଫ୍ରାଞ୍ଚାଇଜ ମଡେଲ ସମ୍ପୂର୍ଣ୍ଣ ବିଫଳ ହେଇଥିବା ବେଳେ ଯାହାର ଯାହାର ଉଦାହରଣ ହେଉଛି ଏସୟୁପିଏଲ ,ଆରୟୁପିଏଲ I ନିର୍ଧାରିତ କ୍ଷତି କମାଇବା ବଦଳରେ ସେସୁ ରେ କ୍ଷତି ବଢ଼ାଇ ପାଲଟା ହାଇକୋର୍ଟ କୁ ସେସୁ କୁ ଟାଣିଥିଲା ଏହି ଫ୍ରାଞ୍ଚାଇଜ I ଅବଶ୍ୟ କୋର୍ଟ ର ନିର୍ଦ୍ଧେଶକ୍ରମେ ଶେଷରେ ବିଦା ହେଇଥିଲା ,ଅନ୍ୟପକ୍ଷେ ଫେଡ଼କୋ ଏବଂ ଏଂଜେନ ର କର୍ମଚାରୀ ଅସନ୍ତୋଷ ସବୁବେଳେ ଲାଗିରହିଥିବା ବେଳେ ପ୍ରଦର୍ଶନ ମଧ୍ୟ ସେତେଟା ସନ୍ତୋଷଜନକ ନୁହେଁ I ନିର୍ଧାରିତ କ୍ଷତି କମାଇବାରେ ବିଫଳ ହେଇଚି ଏଂଜେନ I
ଏପରି ପରିପ୍ରେକ୍ଷୀରେ ଗୋଟେପଟେ ସେସୁ ର ବିକ୍ରି ,ଅନ୍ୟପଟେ 10ବର୍ଷ ପାଇଁ ଫ୍ରାଞ୍ଚାଇଜ ପାଇଁ ଟେଣ୍ଡର I ତେବେ କଣ ଏଇୟା କୁହାଯାଇପାରେ ଯେ ଫ୍ରାଞ୍ଚାଇଜ ହାତରେ ବିଦ୍ୟୁତ ବିଭାଗକୁ ଟେକିଦେବାକୁ ସେସୁ ବିକ୍ରି କେବଳ ବାହାନା ?