ଏଇ ନିକଟରେ ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟ ରେ ନର୍ସ ଙ୍କ ଟିକଟକ୍ ଭିଡିଓକୁ ନେଇ ଜୋରଦାର ଚର୍ଚ୍ଚା ହେଇଥିଲା ବେଳେ ପୁଣିଥରେ ଜିଲ୍ଲାପାଳ ଙ୍କ ପାଇଁ ଚର୍ଚ୍ଚା କୁ ଆସିଛି I ତେବେ ଏଥରକ କିନ୍ତୁ ଜିଲ୍ଲାପାଳ ଙ୍କ ଏକ ନିଆରା ଉଦ୍ୟମ ପାଇଁ ଚର୍ଚ୍ଚା କୁ ଆସିଛି ଚିକିତ୍ସାଳୟ I ସାଧାରଣତଃ ଆଜିକାଲି ସମସ୍ତେ ପ୍ରାଇଭେଟ ହସ୍ପିଟାଲ ଉପରେ ନିର୍ଭରଶୀଳ Iଆଉ ବଡ ବଡ ବାବୁ ମାନଙ୍କ କଥା ତ ନକହିଲେ ଭଲ I
ସରକାରୀ ହସ୍ପିଟାଲ କୁ କେହି ପସନ୍ଦ କରିନଥାନ୍ତି ,ଏପରି ସ୍ଥଳରେ ଲୋକଙ୍କ ଆସ୍ଥା ଏବଂ ଭରଷା କିପରି ସରକାରୀ ହସ୍ପିଟାଲ ଉପରେ ରହିବ ସେନେଇ ନିଆରା ଉଦ୍ୟମ କରିଛନ୍ତି ଜିଲାପାଳ I ମାଲକାନଗିରି ଜିଲ୍ଲାପାଳ ମନୀଷ ଅଗ୍ରୱାଲ ଙ୍କ ପତ୍ନୀ ଆସର୍ନ ପ୍ରସବା ଥିବାବେଳେ ରଥଯାତ୍ରା ଦିନ ତାଙ୍କୁ କୌଣସି ଏକ ବଡ ହସ୍ପିଟାଲ ବଦଳରେ ଜିଲ୍ଲାପାଳ ସରକାରୀ ହସ୍ପିଟାଲ ରେ ଭର୍ତି କରିଥିଲେ I
ଜିଲ୍ଲାପାଳ ଙ୍କ ପତ୍ନୀ ଙ୍କ ଅସ୍ତ୍ରୋପଚାର କରାଯାଇଥିଲା ଏବଂ ସେ ଏକ ପୁତ୍ର ସନ୍ତାନ ଜନ୍ମ ଦେଇଥିଲେ I ଉଭୟ ଏବେ ସମ୍ପୂର୍ଣ୍ଣ ସୁସ୍ଥ ଥିବାବେଳେ ଘଟଣାଟି ଏବେ ସମଗ୍ର ମାଲକାନଗିରି ରେ ଚର୍ଚ୍ଚା ଧରିଛି I