ଦଳରେ ରହି ଦଳ ବିରୁଧରେ ବାରମ୍ବାର ଦୁର୍ନୀତି ଅଭିଯୋଗ ଆଣି ଶେଷରେ ବିଜେଡି ରୁ ବିଦା ହେଇଥିବା ଦାମ ଙ୍କ ପଥ ଅନୁସରଣ କରୁଛନ୍ତି ପିପିଲି ବିଧାୟକ ପ୍ରଦୀପ ମହାରଥୀ I ବିରୋଧୀ ଯେତିକି ପ୍ରଶ୍ନ କରୁନାହାନ୍ତି ତାହାଠାରୁ ଅଧିକ ପ୍ରଶ୍ନ ପଚାରି ମନ୍ତ୍ରୀ ମାନଙ୍କୁ ଅସ୍ତବ୍ୟସ୍ତ କରିଦେଉଛନ୍ତି ମହାରଥୀ I କିଛିଦିନ ତଳେ ପଞ୍ଚାୟତିରାଜମନ୍ତ୍ରୀ 2020 ସୁଦ୍ଧା ସବୁ ଘରକୁ ପାନୀୟ ଜଳ ଯୋଗାଇଦେବେ ବୋଲି କହିବା ପରେ ବିଧାନସଭାରେ ମନ୍ତ୍ରୀ ପ୍ରତାପ ଙ୍କୁ ଘେରିଥିଲେ ମହାରଥୀ I ମହାରଥୀ କହିଥିଲେ କି କେଉଁ ଆଧାରରେ ତୁରନ୍ତ ବାକିଥିବା 27882 ଗାଁ ରେ ପାନୀୟ ଜଳ ଯୋଗାଇ ଦିଆଯିବ ? ଏପରିକି ଯୁବନେତା ତଥା ପାୱାରଫୁଲ ମନ୍ତ୍ରୀ ଅରୁଣ ସାହୁ ଙ୍କୁ ମହାରଥୀ ବିଶ୍ୱକାଳ ମନ୍ତ୍ରୀ କହି କଟାକ୍ଷ କରିଥିଲେ I
ଗତକାଲି ପୁଣିଥରେ ମହାରଥୀ ଙ୍କ ଟାର୍ଗେଟ ଦେଖିବାକୁ ମିଳିଥିଲା I ଏଥରକ ଟାର୍ଗେଟ ରେ ଥିଲେ ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ । ଗତକାଲି ସମୀର ଦାସ ଉତ୍ତର ରଖିଥିଲେ କି ରାଜ୍ୟରେ 16116 ଇଂରାଜୀ ବିଦ୍ୟାଳୟରେ ପାଇଖାନା ତିଆରି କରାଯାଇଛି I ଏହାପରେ ମହାରଥୀ ସମୀର ଙ୍କୁ ଟାର୍ଗେଟ କରି କହିଥିଲେ କି ଖାଲି ଛୁଆ ଜନ୍ମ କରି ବାଞ୍ଝ ଦୋଷ କାଟିଦେଲେ ହେବନି । ପାଇଖାନା କରିବା ପରେ ସେସବୁ ସଫା ହେଉଛି କି ନାହିଁ ,ପାଣି ଅଛି କି ନାହିଁ ତଦାରଖ କରିବାକୁ ବ୍ୟବସ୍ତା କରିଛ କି ?
ଏବେ ଚର୍ଚା ହେଉଛି କି ଚଳିତଥର ମହାରଥୀ ଙ୍କୁ ମନ୍ତ୍ରୀପଦ ନମିଳିବାରୁ ସବୁ ମନ୍ତ୍ରୀ ମାନଙ୍କୁ ଟାର୍ଗେଟ କରୁଛନ୍ତି ମହାରଥୀ ,ଯଦି ଏପରି ହୁଏ ତେବେ ଆଗକୁ ଦାମ ଦସା ମହାରଥୀ ଙ୍କୁ ଭୋଗିବାକୁ ପଡିପାରେ ବୋଲି ଚର୍ଚା ହେଉଛି I
