ନିକଟରେ ଏକ ଗଣମାଧ୍ୟମ ଦ୍ୱାରା ଷ୍ଟିଙ୍ଗ ଅପରେସନ କରାଯାଇଥିଲା ଯେଉଁଥିରେ କି କିଭଳି ଜାଣିଶୁଣି ବିଦ୍ୟୁତ ବିଭାଗର ବରିଷ୍ଠ କର୍ମଚାରୀ ମାନେ ଇନଭର୍ଟର କମ୍ପାନୀ ସହିତ ଅସାଧୁ ମେଣ୍ଟ କରି ଟଙ୍କା ପାଇଁ ମନଇଛା ଅଘୋଷିତ ପାୱାର କଟ୍ କରୁଥିଲେ ତାହାର ଗୁମର ଖୋଲିଥିଲା I ଏହାପରେ ବିଦ୍ୟୁତ ବିଭାଗ ର 4ଜଣ ଯନ୍ତ୍ରୀ ଏବଂ 2ଜଣ କାର୍ଯ୍ୟନିର୍ବାହୀ ଙ୍କୁ ଚାକିରିରୁ ନିଲମ୍ବନ କରାଯାଇଥିଲା I ଘଟଣା ଟି ମନରୁ ଲିଭି ନଥିବା ବେଳେ ଏବେ ପୁଣି ଜଣେ ବିଦ୍ୟୁତ ଯନ୍ତ୍ରୀ ଙ୍କ ନାମରେ ଆସିଛି ସଙ୍ଗୀନ ଅଭିଯୋଗ I ସୂଚନା ଅନୁଯାଇ ଘଟଣାଟି ପୁରୀ ବିଦ୍ୟୁତ ଡିଭିଜନ ର ସାକ୍ଷୀଗୋପାଳ ସବ ଡିଭିଜନ ର I ଏହି ସବ ଡିଭିଜନ ଅନ୍ତର୍ଗତ ସାକ୍ଷୀଗୋପାଳ 2ସେକ୍ସନ ର ଫେଡ଼କୋ ଜେଇ ବିଘ୍ନରାଜ ମହାନ୍ତି ଙ୍କ ନାମରେ ଆସିଛି ସଙ୍ଗୀନ ଅଭିଯୋଗ I
ତେବେ ଏନେଇ ଜେଇ ବିଘ୍ନରାଜ ମହାନ୍ତି ଙ୍କ ପ୍ରତିକ୍ରିୟା ନେବାରେ ସେ କହିଛନ୍ତି ଯେ ସମ୍ପୃକ୍ତ ଉପଭୋକ୍ତା ତାଙ୍କୁ ଜାଣିଶୁଣି ଫସାଇଦେଇଛନ୍ତି ,ଅନୈତିକ ବିଦ୍ୟୁତ ବ୍ୟବହାର କରୁଥିବାରୁ ତାଙ୍କ ଘରେ ଚଢ଼ାଉ କରାଯାଇ ଜୋରିମାନା କରାଯାଇଥିଲା ଏବଂ ନିର୍ଧାରିତ ଅର୍ଥ ଅଫିସ ରେ ଦାଖଲ କରିବାକୁ ସେ ସୁରେଶ ଙ୍କୁ କହିଥିଲେ ,ସୁରେଶ ଅଫିସ ସମୟରେ ଅଫିସ କାର୍ଯ୍ୟାଳୟ ରେ ତାଙ୍କୁ ଟଙ୍କା ଦେବାପରେ ସେ ରସିଦ ଦେବାକୁ ଯିବା ସମୟରେ ତାଙ୍କୁ ଭିଜିଲାନ୍ସ ବିଭାଗ ଗିରଫ କରିଛି I 
ଜେଇ କହିଛନ୍ତି ଯେ ତାଙ୍କର ଯଦି ସେଭଳି ଉଦେଶ୍ୟ ଥାଆନ୍ତା ତେବେ ସେ ଅଫିସ କାର୍ଯ୍ୟାଳୟ ରେ ସମସ୍ତ ଙ୍କ ସାମ୍ନାରେ କାହିଁକି ଟଙ୍କା ଗ୍ରହଣ କରିଥାନ୍ତେ ? ଘଟଣାର ଉଚିତ ବିଚାର କରାଯାଇ ତାଙ୍କୁ ନ୍ୟାୟ ଦେବାକୁ ଜେଇ ଅନୁରୋଧ କରିଛନ୍ତି I ସୂଚନା ଥାଉ କି ସେସୁ ଦ୍ୱାରା ଫ୍ରାଞ୍ଚାଇଜ ଭାବରେ ଫେଡ଼କୋ ପୁରୀ ରେ ବିଦ୍ୟୁତ ବିଭାଗର ରକ୍ଷଣାବେକ୍ଷଣ ଏବଂ ଶୁକ୍ଳ ଆଦାୟ ଦାୟିତ୍ୱ ପାଇଁ ଦିର୍ଘ 6 ବର୍ଷରୁ ଉର୍ଧ ସମୟ ଧରି ନିୟୋଜିତ ହେଇଛି
