ଗୋଟେପଟେ ସେସୁ କୁ ଟାଟା ପାୱାର ହାତରେ ଟେକି ଦିଆଯାଇଥିବା ବେଳେ ଅନ୍ୟପଟେ ଉପଭୋକ୍ତା ଙ୍କ ଉପରେ ବକେୟା ଥିବା 2000 କୋଟି କୁ ଆଦାୟ ପାଇଁ କଡା ନିର୍ଦେଶ ଦେଇଛନ୍ତି ସେସୁ ସିଇଓ ଅରୁଣ ବୋଥ୍ରା I ଆସନ୍ତା 16ତାରିଖ ରୁ ଏହି ବିଦ୍ୟୁତ କଟା ଡ୍ରାଇଭ ଆରମ୍ଭ ହେବ ବୋଲି ସର୍ବ ସାଧାରଣ ରେ ସୂଚନା ଦିଆଯାଇଥିବା ବେଳେ ଏନେଇ 413ଟି ସ୍ୱତନ୍ତ୍ର ସ୍କ୍ବାଡ୍ ଗଠନ କରାଯାଇଛି I ୧୧, ୩୯୭ ଗାଁରେ ବିଦ୍ୟୁତ ଶୁକ୍ଳ ଅଧିକ ବକେୟା ରହିଥିବାରୁ ଏହି ସବୁ ଗାଁ ରେ ଉପଭୋକ୍ତା ଙ୍କର ବିଦ୍ୟୁତ କାଟ ହେବ I ତେବେ ଏହାକୁ ତୀବ୍ର ବିରୋଧ କରିଛନ୍ତି କଂଗ୍ରେସ ନେତା ସୁର ରାଉତରାୟ I ଯଦି ଖଟିଖିଆ ଉପଭୋକ୍ତା ଙ୍କର ବିଦ୍ୟୁତ କାଟ ହୁଏ ତେବେ ସେହି ସ୍କ୍ବାଡ୍ ଙ୍କୁ ଗାଁ ରେ ପୁରାଇ ଦିଆଯିବ ନାହିଁ I ନିକଟରେ ପିଲାଙ୍କ ପରୀକ୍ଷା ଥିବାରୁ କଂଗ୍ରେସ ପକ୍ଷରୁ ଜୋରଦାର ଆନ୍ଦୋଳନ କରାଯିବ ,ପ୍ରଥମେ ବଡ ବଡ ଶିଳ୍ପ ଏବଂ କମ୍ପାନୀ ଠାରୁ ଆଦାୟ କର ପରେ ଉପଭୋକ୍ତା ଙ୍କ ଠାରୁ ଆଦାୟ କରିବ ବୋଲି ସୁର କହିଛନ୍ତି I ସୂଚନା ଥାଉ କି କେବଳ 5965 ସରକାରୀ ଅନୁଷ୍ଠାନ 64.30କୋଟି ଟଙ୍କା ବକେୟା ରଖିଥିବା ବେଳେ ସେମାନଙ୍କୁ ନୋଟିସ କରାଯାଇଛି Iସେମାନଙ୍କୁ ମାର୍ଚ୍ଚ ୩୧ ଶେଷ ତାରିଖ ଯାଏଁ ସମୟ ଦିଆଯାଇଛି I ସେହିପରି ଶିଳ୍ପ ଅନୁଷ୍ଠାନ ରେ ପାଖାପାଖି 108 କୋଟି ବକେୟା ପଡ଼ିରହିଛି