ଆସନ୍ତା ଏପ୍ରିଲ ୧୭ ତାରିଖ ଦିନ ମହାନ ଜନନାୟକ ଙ୍କ ବିଜୁ ପଟନାୟକ ଙ୍କ 23ତମ ମହାପ୍ରୟାଣ ହେଉଥିବା ସମୟରେ ଏହି ସମୟରେ ବିଗତ ଦିନର ପୁରୁଣା ସ୍ମୃତି କୁ ମନେ ପକାଇଛନ୍ତି ଢେଙ୍କାନାଳ ର ପୂର୍ବତନ ବିଧାୟକ ନବୀନ ନନ୍ଦ I ନିଜ ଫେସବୁକ ଟାଇମ ଲାଇନ ରେ ବଖାଣିଛନ୍ତି ସେହି ବିଗତ ଦିନର କିଛି ଅକୁହା ସ୍ମୃତି ,ଆସନ୍ତୁ ନଜର ପକାଇବା I
ସେଦିନ ବୋଧହୁଏ ଥାଏ ୧୯୯୫ ମସିହା ମାର୍ଚ୍ଚ ମାସ ର ସେହିଦିନ ଯେଉଁଦିନ ଭୋଟ ଗଣତି ଚାଲି ଥାଏ । ବିଜୁ ବାବୁ ଙ୍କ “ଜନତା ଦଳ “ର ସରକାର ସଂଖ୍ୟା ଗଣତି ରେ ପଛରେ ଥାଏ । ମୁଁ ପ୍ରଥମ ଥର ପାଇଁ ୧୧୯ – ଗନ୍ଦିଆ ନିର୍ବାଚନ ମଣ୍ଡଳୀ ରୁ ବିଜୁ ବାବୁ ଙ୍କ “ଜନତା ଦଳ”ରୁ ପ୍ରାର୍ଥୀ ହୋଇଥାଏ । ମୋ ବିରୁଦ୍ଧରେ “ଭାରତୀୟ ଜାତୀୟ କଂଗ୍ରେସ “ରୁ ପୂର୍ବତନ ମୁଖ୍ୟମନ୍ତ୍ରୀ ଶ୍ରୀମତୀ ନନ୍ଦିନୀ ଦେବୀ ପ୍ରାର୍ଥୀ ହୋଇଥାନ୍ତି । ବାଲଟ ପେପର ରେ ହେଉଥିବା ଭୋଟ ଗଣତି ରେ ସାତ ରାଉଣ୍ଡ ପର୍ଯ୍ୟନ୍ତ ମୁଁ 1000 ରୁ 1200 ଭୋଟ ଆଗରେ ଥାଏ । ମୋର ମନେ ଅଛି ବିଜୁ ବାବୁ ସେତେବେଳେ ପାର୍ଟି ଅଫିସ ରେ ବସି ପ୍ରତି ପ୍ରାଥୀ ମାନଙ୍କର ଭୋଟ ବ୍ୟବଧାନ ର ହିସାବ ରଖୁଥାନ୍ତି । ହଠାତ ଅଷ୍ଟମ ରାଉଣ୍ଡ ଠାରୁ ମୋର ଭୋଟ ବ୍ୟବଧାନ କମିବାକୁ ଆରମ୍ଭ କଲା । ମୁଁ ସେତେବେଳେ ମୋର ଘରେ ଥାଇ ଭୋଟ ଗଣତି ହିସାବ ମଧ୍ୟ ରଖୁଥାଏ । ସେତେବେଳେ ସକାଳ ପ୍ରାୟ ଭୋର ୬ ଟା ହେବ । ହଠାତ ବିଜୁ ବାବୁ ଙ୍କ ଅଫିସ ରୁ ଗୌର ମୋହନ ଷଡଙ୍ଗୀ ମୋତେ ଫୋନ କରି ବିଜୁ ବାବୁ କଥା ହେବେ ବୋଲି କହିଲେ । ମୁଁ ଫୋନ ରେ କଥା ହେଲି । ମୋତେ ବିଜୁ ବାବୁ ଇଂରାଜୀ ରେ କହିଲେ “ନବୀନ ୟୁ ଆର ନାଁଓ ଟ୍ରେଲିଙ୍ଗ । ଡୋଣ୍ଟ ଓରି । ଅଇ ଆମ ଉଇଥ ୟୁ ।” ଫାଇନାଲ ଗଣତି ପରେ ମୋତେ ଭୁବନେଶ୍ୱର ଆସିବାକୁ କହିଲେ । ମୋର ସେତେବେଳକୁ ୨୧୦୦ ଭୋଟ ବ୍ୟବଧାନ ରେ ପରାଜୟ ହୋଇ ସାରିଥାଏ । ମୋର ମନେ ଅଛି ବିଜୁ ବାବୁ ଙ୍କ ସଂଗେ କଥା ହେବା ପରେ ମୋର ମନରେ ଥିବା ବିଚଳିତ ଭାବ ଦୂର ହୋଇଗଲା । ମୋ ବିପକ୍ଷ ରେ ଲଢ଼ୁଥିବା “ନନ୍ଦିନୀ ଦେବୀ ” ତାଙ୍କ ଜୀବନ ର ଶେଷ ନିର୍ବାଚନରେ ଏତେ କମ ଭୋଟ ବ୍ୟବଧାନରେ ଜିତିବାରେ ବୋଧେ ଖୁସି ନଥିଲେ
। ମୁଁ ଭୁବନେଶ୍ୱର ଯିବା ପାଇଁ ପ୍ରସ୍ତୁତି ହେବା ବେଳେ ମୋ ଫୋନ ରେ ପୁଣି ରିଙ୍ଗ ହେଲା ମୁଁ ପୁଣି କେଉଁଠୁ ଫୋନ ଆସିଲା ଭାବି ଫୋନ ଉଠାଇଲାପରେ ଆରପଟୁ ” ନନ୍ଦିନୀ ଦେବୀ “ଙ୍କ ମୋତେ ସମବେଦନା ଦେବା ମୋତେ ଆଶ୍ଚର୍ଯ୍ୟ ଚକିତ କରିଥିଲା । ମୋତେ ଫୋନ ରେ ନନ୍ଦିନୀ ଦେବୀ କହିଲେ “ନବୀନ -ମୁଁ ତୋର “ମା “ଭଳି । ନିର୍ବାଚନ ରେ ଜୟ ପରାଜୟ ଥାଏ । ତୋର ଏହି ନିର୍ବାଚନ ପ୍ରଥମ ନିର୍ବାଚନ ମୋର ହେଉଛି ଶେଷ ନିର୍ବାଚନ । ତୋର ଭବିଷ୍ୟତ ଅଛି । ମୋ ପାଖରେ ତୋ ପାଇଁ ମୋର ଦ୍ୱାର ସଦାବେଳେ ଖୋଲା ଅଛି । ମୋର ଆଜି ମନେ ପଡୁଛି ସେଇ କଥା ପଦକରେ କେତେ ମାଦକତା ଓ ଆନ୍ତରିକତା ଥିଲା । ସେଇ କଥା ପଦକରେ ମୁଁ ମୋର ହାରିବା ଦୁଖଃ ଭୁଲି ଯାଇଥିଲି ।
ତାପରେ ମୋର କିଛି ରାଜନୈତିକ ବନ୍ଧୁ ଯଥ। ମଙ୍ଗ ବାବୁ ,ଶରତ ଆଏଚ ଓ ଅନ୍ୟ ମାନଙ୍କ ସହ ଭୁବନେଶ୍ୱର ବିଜୁ ବାବୁ ଙ୍କୁ ଦେଖା କରିବାକୁ ଗଲି । ଭୁବନେଶ୍ୱର ରେ ପହଞ୍ଚିଲା ବେଳକୁ ଦିନ ପ୍ରାୟ ସାଢ଼େ ବାରଟା ହୋଇଥାଏ । ବିଜୁବାବୁ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ପାଇଁ ବହାରୁଥାନ୍ତି । ମୁଁ ଅଫିସ ଭିତରକୁ ପଶିଗଲା ବେଳେ ବିଜୁ ବାବୁ ରାଗରେ ଗାର୍ଜୁ ଥାନ୍ତି ଓ ତାଙ୍କୁ ଘେର କରି ଅଶୋକ ଦାସ,ବିଜୟ ମହାପ।ତ୍ର ,ନଳିନୀ ମହାନ୍ତି ଓ ଦାମ ରାଉତ ପ୍ରମୁଖ ବସିଥିଲେ । । ମୋତେ ଯେମିତି ଦେଖିଦେଲେ ପଚାରିଲେ where is your counting sheet ? ମୁଁ ତାଙ୍କୁ ଦେଖାଇଲି । ମୋ ଠାରୁ କାଉଁଟିଙ୍ଗ କାଗଜ ଟା ନେଇ ନିଜେ ଦେଖିଲେ । ଗୋଟେ ନାଲି ପେନ ରେ ମୋର ଲିଡିଂ ଭାଗ ପର୍ଯ୍ୟନ୍ତ ଚିହ୍ନ ଦେଇ ସେଇ କାଗଜ ଟା ଅଶୋକ ଦାସ ଙ୍କ ଉପରକୁ ରାଗରେ ଫୋପାଡ଼ିଦେଲେ । କହିଲେ you see how you people’s are misguided me .You people told me he will not exceed 5000 votes ? How these 28000 vote came ? I could have supported more to him financially
ମୁଁ ସେତେବେଳେ ବିଜୁ ବାବୁ ଙ୍କ କଥା ଶୁଣି ଆଶ୍ଚର୍ଯ୍ୟ ହୋଇ ଯାଇଥିଲି ଯେ ଦଳ ଭିତରେ ମୋତେ ହରାଇବା ପାଇଁ କିଛି ତୁଙ୍ଗ ନେତା ଷଡଯନ୍ତ୍ର କରିଥିଲେ । ମୋର ମନେ ଅଛି ବିଜୁ ବାବୁ ନିର୍ବାଚନ ବେଳେ ପ୍ରତି ପ୍ରାଥୀ ମାନଙ୍କୁ ୫ଲକ୍ଷ ଟଙ୍କା ଯାଏଁ ଦେଇଥିଲେ । ମୋତେ କିନ୍ତୁ ସର୍ବମୋଟ ୩ଲକ୍ଷ ଟଙ୍କା ଦେଇଥିଲେ । ଆଉ ୨ଲକ୍ଷ ଟଙ୍କା ଭୋଟ ହେବାର ୨/୩ ଦିନ ପୂର୍ବରୁ ଦେବେ ବୋଲି କହିଥିଲେ କିନ୍ତୁ ଦେଲେ ନାହିଁ ।କାହିଁକି ଦେଲେନି ମୁଁ ମଧ୍ୟ ସନ୍ଦିହାନ ଥିଲି । ମୋର ଭୋଟ ହେବାର ୪/୫ଦିନ ପୂର୍ବରୁ ଜନତା ଦଳ ସଭାପତି ଅଶୋକ ଦାସ ଙ୍କୁ ମୋର ଗୋଟିଏ ସାଧାରଣ ସଭାରେ ଯୋଗ ଦେବାକୁ ପଠାଇଥିଲେ । ସେ ସଭା ଟି ଢେଙ୍କାନାଳ ସଦର ବ୍ଲକ ର ବଣସିଙ୍ଘ ଠାରେ ଆୟୋଜିତ ହୋଇଥିଲା । ସେ ଅଂଚଳ ଟି ସେତେବେଳେ କଂଗ୍ରେସର ଦୁର୍ଗ ହୋଇଥିବାରୁ ସଭାରେ ସେତେ ଜନ ଗହଳି ହୋଇନଥିଲା । ସମ୍ଭବତଃ ଅଶୋକ ଦାସ ସେ ମିଟିଂ ରୁ ଫେରିଲା ପରେ ବିଜୁ ବାବୁ ଙ୍କୁ ଏହି ରିପୋର୍ଟ ଦେଇଥିଲେ । ଓ ସେଇଠି ପାଇଁ ମୋତେ ଅଉ ବଳକା ୨ ଲକ୍ଷ ଟଙ୍କା ମୋତେ ଦେଇ ନଥିଲେ ।।
ମୋର ନିର୍ବାଚନ ହରିବାରେ ଏହା ମଧ୍ୟ ଗୋଟିଏ ପ୍ରମୁଖ କାରଣ ଅଟେ ।ସେ ନିର୍ବାଚନରେ ନନ୍ଦିନୀ ଦେବୀ ପ୍ରଚୁର ଟଙ୍କା ଖର୍ଚ୍ଚ କରିଥିଲେ ଓ ତାଙ୍କ ର ପୁତ୍ର ତଥାଗତ ବାବୁ ଢେଙ୍କାନାଳ ରୁ ଜନତା ଦଳ ତରଫରୁ ପ୍ରାର୍ଥୀ ହୋଇଥିଲେ । ଗୋଟିଏ ପରିବାର ରୁ ଦୁଇ ଜଣ ଦୁଇ ଦଳ ର ପ୍ରାଥୀ ହେବା ସେତେବେଳେ ମଧ୍ୟ ଢେଙ୍କାନାଳ ରେ ଦ୍ଵନ୍ଦ ସୃଷ୍ଟି କରିଥିଲା । ସେତେବେଳେ ଢେଙ୍କାନାଳ ସହରରେ ରେ ଯେଉଁ ମାନେ ଜନତା ଦଳ ବୋଲି କହୁଥିଲେ ସେହିମାନେ ଆସି gondia ରେ ନିଜକୁ କଂଗ୍ରେସ ଦଳ ବୋଲି କହୁଥିଲେ । ସେ ନିର୍ବାଚନ ରେ ତଥାଗତ ବାବୁ ମଧ୍ୟ ପରାଜିତ ହୋଇଥିଲେ । ମୁଁ ସେହି ନିର୍ବାଚନରେ ଦଳୀୟ ଚକ୍ରାନ୍ତ ଓ ଅର୍ଥାଭାବ ପାଇଁ ପରାଜୟ ବରଣ କରିଥିଲି । ପରାଜୟ ବରଣ କରିଥିଲେ ମଧ୍ୟ ସେହି ଘଟଣା ବିଜୁ ବାବୁ ଙ୍କ ସାଙ୍ଗରେ ଘନିଷ୍ଟତା ବଢିବର ସୁଯୋଗ ସୃଷ୍ଟି କରିଥିଲା । ଆସନ୍ତା ଏପ୍ରିଲ ୧୭ ତାରିଖ ମହାନ ଜନ ନାୟକ ଙ୍କ ସ୍ମରଣାର୍ଥେ ବିନମ୍ର ଶ୍ରଦ୍ଧ।ଞ୍ଜଳୀ ।
