ଭୁବନେଶ୍ୱର: ଉତ୍କଳ ବିଶ୍ୱବିଦ୍ୟାଳୟ କ୍ୟାମ୍ପସ ଭିତରେ ରମାଦେବୀ ମହିଳା ବିଶ୍ୱବିଦ୍ୟାଳୟର ଦ୍ୱିତୀୟ କ୍ୟାମ୍ପସ ସ୍ଥାପନ ଲାଗି ରାଜ୍ୟ ସରକାରଙ୍କ ନିଷ୍ପତ୍ତିକୁ ନେଇ ଦେଖାଦେଇଥିବା ବିବାଦ ଥମିବାର ନାଁ ଧରୁନାହିଁ । ଏହାକୁ ଛାତ୍ର ସଂଗଠନ ଗୁଡ଼ିକ ପ୍ରବଳ ବିରୋଧ କରୁଥିବାବେଳେ ଆଜି ଏ ନେଇ ମୁହଁ ଖୋଲିଛନ୍ତି ବାଣୀବିହାର କୁଳପତି ସୌମେନ୍ଦ୍ର ମୋହନ ପଟ୍ଟନାୟକ । ସେ କହିଛନ୍ତି ଯେ ଉତ୍କଳ ବିଶ୍ୱବିଦ୍ୟାଳୟର ସଂପ୍ରସାରଣ ଓ ବିକାଶ ପାଇଁ ଯେଉଁ ସବୁ ପ୍ରକଳ୍ପର ଯୋଜନା ରହିଛି ସେଥପାଇଁ କ୍ୟାମ୍ପସ ଭିତର ଜମି ଉପଯୋଗ କରାଯିବ । ରମାଦେବୀ କ୍ୟାମ୍ପସ ପାଇଁ ଏହି ଜମି ନିଅଣ୍ଟ ପଡ଼ିବ । ଏଣୁ ସରକାର ନିଜ ନିଷ୍ପତ୍ତିର ପୁନର୍ବିଚାର କରନ୍ତୁ ବୋଲି ସେ କହିଛନ୍ତି ।
ମୁଁହ ଖୋଲିଲେ ବାଣୀବିହାର କୁଳପତି: ଆମ ଜମି ଆମ ପାଇଁ ନିଅଣ୍ଟ
