ଜଗତର ନାଥ ଜଗନ୍ନାଥ ଙ୍କ ନବକଳେବର ରେ ବ୍ରହ୍ମ ବିଭ୍ରାଟ ସହିତ ଦାରୁ ଚୟନ ରେ ବିଭ୍ରାଟ ହେଇଥିଲା ଯାହାକି ଧୀରେ ଧୀରେ ଗୁମର ଖୋଲିବାରେ ଲାଗିଛି I ଦାରୁ ଚୟନ ରେ ବ୍ୟାପକ ଅନିୟମିତତା ସହିତ ମୋଟା ଅଙ୍କର ଟଙ୍କା କାରବାର ହେଇଥିବାର ଅଭିଯୋଗ କରିଥିଲେ ଦେବଦଳନ ରଥର ମୁଖ୍ୟ ବିଶ୍ୱକର୍ମା କୃଷ୍ଣଚନ୍ଦ୍ର ମହାରଣା I
ଏହାପରେ ଦାରୁ ବିଭ୍ରାଟ କୁ ନେଇ ଖୋଳତାଡ଼ ଚାଲିଥିବା ବେଳେ ଏବେ ପୁଣି ଗୁମର ଖୋଲିଛନ୍ତି ଦଇତାପତି ନିଯୋଗ ସମ୍ପାଦକ ପ୍ରେମାନନ୍ଦ ଦାସମହାପାତ୍ର। ନବକଳେବର ଦାରୁ ବିଭ୍ରାଟ ହେଇଥିଲା ଯେଉଁଥିରେ କି ବହୁ ବଡ ବଡ ଅଫିସର ସମ୍ପୃକ୍ତ ଥିବା କହିଛନ୍ତି I ଏହା ସହିତ ସିଧାସଳଖ ସୁରେଶ ମହାପାତ୍ର ଙ୍କ ନାମ ମଧ୍ୟ ବିବାଦ କୁ ଟାଣି ଏଥିରେ ସୁରେଶ ସମ୍ପୃକ୍ତ ଥିବା ଅଭିଯୋଗ କରିଛନ୍ତି I
ମନ୍ଦିର ମଧ୍ୟକୁ ମୋବାଇଲ ମନା ହେଇଥିଲେ ମଧ୍ୟ ସୁରେଶ ମହାପାତ୍ର ଫୋନ ରେ ନିୟମିତ କଥା ହେଉଥିଲେ ମନ୍ଦିର ଭିତରେ ଥିବା ତାଙ୍କ ସମର୍ଥକ ଙ୍କ ସହିତ I ଖାଲି ଏତିକି ନୁହେଁ ରାତି ଅଧରେ ଏସି କାର ରେ ବସି ଦାରୁ ଚୟନ ପାଇଁ ଯାଇଥିଲେ I ଯାହାକୁ କି ସେ ବିରୋଧ କରିବାରୁ ଓଲଟା ତାଙ୍କୁ ମିଥ୍ୟା ମାମଲା ରେ ଥାନାରେ ପୁରାଇ ଚୁପ କରେଇଦିଆଗଲା
I ଏହା ସହିତ କିପରି ଭାବରେ ଗୋଟିଏ ଜାଗାରୁ ଏକା ସାଙ୍ଗରେ ତିନୋଟି ଦାରୁ ମିଳିଲା ତାହାକୁ ନେଇ ସେ ପ୍ରଶ୍ନ ଉଠାଇଛନ୍ତି I ତେଣୁ ରାତି ଅଧିଆ ଦାରୁ ଚୟନ କରାଯାଇ କୋଟି କୋଟି ଟଙ୍କାର କାରବାର କରାଯାଇଛି I ଯାହାକି ତଦନ୍ତ ହେଲେ ସତ ସାମ୍ନାକୁ ଆସିବ ବୋଲି ସେ କହିଛନ୍ତି I
