ଗତକାଲି ଭଦ୍ରକ ଜିଲ୍ଲାପାଳ ଓ ପୁଲିସ ଅଧିକ୍ଷକଙ୍କ ମିଳିତ ଶୁଣାଣି ସମୟରେ ଏକ ଅଭାବନୀୟ ଘଟଣା ଦେଖିବାକୁ ମିଳିଥିଲା I ଜଣେ ମହିଳା ଜିଲ୍ଲାପାଳ ଙ୍କ ସାମ୍ନାରେ ନିଜ ଶରୀରରେ କିରାସିନି ଢାଳି ନିଆଁ ଲଗାଇ ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ । ତେବେ ପାଖରେ ଥିବା ସୁରକ୍ଷାକର୍ମୀ ଏବଂ ସାଧାରଣ ଲୋକେ ମହିଳା ଜଣକୁ ଅଟକେଇଦେଇଥିଲେ I ଖବର ରୁ ଜଣାପଡିଛି ମିଳିଥିବା ମହିଳା ଜଣକ ନାମ ବିଳାସିନୀ ପାତ୍ର ଘର ଧାମନଗର ଥାନା ଅନ୍ତର୍ଗତ ଦିହୁଡ଼ି ଗ୍ରାମର I ଗତ ଦୁଇମାସ ଧରି ବିଳାସିନୀ ଙ୍କର ଝିଅ ନିଖୋଜ ଅଛନ୍ତି , ଝିଅ ନିଖୋଜ ହେବାର ୫୦ ଦିନ ରୁ ଉର୍ଧ୍ଵ ବିତି ଯାଇଥିଲେ ସୁଦ୍ଧା ପୁଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁ ନଥିବାରୁ ମହିଳା ଜଣକ ବାଧ୍ୟ ହୋଇ ଜିଲ୍ଲାପାଳ ଙ୍କ ଆଗରେ ଆତ୍ମହୁତି ଦେବାକୁ ବାଧ୍ୟ ହୋଇଥିଲେ ।