କଟକ ଖାନନଗର ସ୍ମଶାନଘାଟରେ ଗତକାଲି ଏକ ହୃଦୟ ବିଦାରକ ଘଟଣା ଦେଖିବାକୁ ମିଳିଥିଲା I ଏସ ସି ବି ମେଡିକାଲରୁ ନିଜ ଝିଅ ମୃତ ଶରୀରକୁ ଦାହ କରିବାଲାଗି ଆସିଥିବା ଗରୀବ ଦମ୍ପତ୍ତିଙ୍କୁ ଗତକାଲି ବେଶ ହଟ୍ଟହଟା ହେବାକୁ ପଡିଛି I ନିଗମ କର୍ତ୍ତୃପକ୍ଷଙ୍କ କାମଖିଆଲି ମନୋଭାବ ଯୋଗୁଁ , ଖାନନଗର ସ୍ମଶାନ ଘାଟ ସାମ୍ନାରେ ପ୍ରାୟ ୪ ଘଣ୍ଟା ଧରି ମୃତ ଝିଅର ସବା ପକାଇ ବୃଦ୍ଧ ବାପା ମା ଅନାଇ ରହିଥିଲେ ଝିଅର ଶବ ଦାହ ପାଇଁ I ଏପରିକି ଏଲ ପି ଜି ଚୁଲା ଜରିଆରେ ଶବଦାହ କରିବାଲାଗି ସେମାନେ ଯେତେବି କାକୁତି ମିନତି କଲେବି କେହିବି ହେଲେ କର୍ଣ୍ଣପାତ କରିନଥିଲେ ସେମାନଙ୍କ ଗୁହାରି I ଏପରିକି ସ୍ମଶାନ ନିକଟରେ ଥିବା ସି ଏମ୍ ସି ବା କଟକ ମହାନଗର ନିଗମର ପ୍ରୋଜେକ୍ଟ ଅଫିସକୁ ଯାଇ ଉଭୟ ବାପା ଏବଂ ମା ସରକାରୀ ବାବୁ ମାନଙ୍କୁ ଗୁହାରି କରିଥିଲେ ହେଲେ ଫଳ କିଛି ମିଳିନଥିଲା ସେମାନଂକୁ ପାଖାପାଖି ୪ ଘଣ୍ଟା ଯାଏଁ ସ୍ମଶାନ ଆଗରେ ପଡିରହିଥିଲା ଶବ Iତେବେ ପ୍ରଶ୍ନ ଉଠୁଛି ଶବ ଦାହ ପାଇଁ ଏତେ ଯୋଜନା ଥିଲା ବେଳେ ତାହା କାହା ପାଇଁ ? ଏ ଘଟଣା କୁ ବୁଦ୍ଧିଜୀବୀ ମହଲ ରୁ ତୀବ୍ର ନିନ୍ଦା କରାଯାଇଛି I