ଲାଞ୍ଚ ନେଇ ଭିଜିଲାନ୍ସ ଜାଲରେ ଧରାପଡ଼ିଛନ୍ତି ଆୱାର ସେସୁ ( ସେସୁ ଦ୍ୱାରା ନିୟୋଜିତ ଫ୍ରାଞ୍ଚାଇଜ RUPL ) ର ଜଣେ ଜେଇ I ଖବର ରୁ ଜଣାପଡିଛି ତାଙ୍କ ନାମ ବାସୁଦେବ ମହାରଣା ଏବଂ ସେ କନିଷ୍ଠ ଯନ୍ତ୍ରୀ ଭାବେ ନିମାପଡ଼ା ସେସୁ ଉପଖଣ୍ଡ ବାମନାଳ ସେକ୍ସନ(୨) ରେ କାର୍ଯ୍ୟ କରନ୍ତି । ଗୋପ ଥାନା ଅନ୍ତର୍ଗତ ନୟଡାଶାସନ ଗ୍ରାମର ଭରତ ସ୍ବାଇଁଙ୍କ ବିଲରେ ପାଣି ମଡାଇବା ନିମନ୍ତେ ବିଦ୍ୟୁତ୍ ସଂଯୋଗ ପାଇଁ ଜେଇ ମହାଶୟ ଙ୍କୁ ବାରମ୍ବାର ଜଣାଇଥିଲେ ମଧ୍ୟ ଯନ୍ତ୍ରୀ ମହୋଦୟ କାମ ନକରି ଭରତ ସ୍ବାଇଁ ଙ୍କୁ 5000 ଲାଞ୍ଚ ମାଗିଥିଲେ I
I ଲାଞ୍ଚ ଦେବା ଏକ ଅପରାଧ ହେଇଥିବାରୁ ଭରତ ସ୍ବାଇଁ ଭିଜିଲାନ୍ସ ଅଧିକାରୀ ଙ୍କୁ ଏନେଇ ଜଣାଇଥିଲେ I ଆଜି ଭରତ ସ୍ବାଇଁ ଙ୍କ ଠାରୁ ଜେଇ ମହୋଦୟ 5ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ଅଧିକାରୀ ଙ୍କ ଦ୍ୱାରା ଧରାପଡ଼ି ଗିରଫ ହେଇଛନ୍ତି I ଭିଜିଲାନ୍ସ ବିଭାଗ ତରଫରୁ ଡିଏସ୍ପି ଅକ୍ଷୟ ମିଶ୍ର, ଇନ୍ସପେକ୍ଟର ସୁଶିଲ ଏକା, ଜେତ୍ସ୍ନା ବେହେରା ପ୍ରମୁଖ ଏହି ଟ୍ରାପ ରେ ସାମିଲ ହେଇ ଜେଇ ଙ୍କୁ ଅଫିସ ରୁ ଗିରଫ କରିବା ସହିତ ତାଙ୍କଠାରୁ ଲାଞ୍ଚ ନେଇଥିବା ୫ ହଜାର ଟଙ୍କା ଜବତ କରାଯାଇଛି ।
