କୁହାଯାଏ ଭଗବାନ ଙ୍କ ଲୀଳା ହେଲେ ନିମ୍ବ ଗଛରୁ ଚନ୍ଦନ ବାସେ ,ତୁଳସୀ ରୁ ଜଗନ୍ନାଥ ଦର୍ଶନ ଦିଅନ୍ତି ତେବେ ଏପରି ଏକ ଘଟଣା ସତକୁ ସତ ଦେଖିବାକୁ ମିଳିଛି I କେନ୍ଦୁଝର ଜିଲ୍ଲା ଅନ୍ତର୍ଗତ ଆନନ୍ଦପୁର ବ୍ଲକ ର ହରିଡାପାଳ ଗ୍ରାମରେ ଏକ ଅଲୌକିକ ଘଟଣା ଦେଖିବାକୁ ମିଳିଛି I ଏହି ଗ୍ରାମର ରାହାସ ବିହାରୀ ଦାସ ଙ୍କ ବାଡ଼ି ରେ ଥିବା ଏକ ନିମ୍ବ ଗଛରୁ କ୍ଷୀର ବାହାରୁଛି। ସାଧାରଣତଃ ନିମ୍ବ ପିତା ଅଟେ ,କିନ୍ତୁ ଏଥିରୁ ବାହାରୁଥିବା କ୍ଷୀର ମିଠା ଅଟେ I ଯାହାକୁ ଦେଖିବା ପାଇଁ ସ୍ଥାନୀୟ ଅଞ୍ଚଳ ଏବଂ ଦୂରଦୂରାନ୍ତର ରୁ ଲୋକଙ୍କ ଛୁଅ ଛୁଟିବାରେ ଲାଗିଛି I ମହିଳାମାନେ ଏପରି ଅଲୌକିକ ଘଟଣା ରେ ଭଗବାନ ଙ୍କ ଚମତ୍କାର ଭାବି ସେହି ନିମ୍ବ ଗଛ ମୂଳରେ ଫୁଲ ,ଧୂପ ଓ ଦୀପ ଦେଇ ପୂଜାର୍ଚ୍ଚନା କରୁଛନ୍ତି।
ଏନେଇ ବାଡ଼ିର ମାଲିକ ଶ୍ରୀ ଦାସ ସୂଚନା ଦେଇ କହିଛନ୍ତି ଯେ ଗତକାଲି ମଙ୍ଗଳବାର ରେ ହଠାତ ଗଛରୁ ପାଣି ଝରିବାରେ ଲାଗିଥିଲା ଏବଂ ଲୋକଙ୍କ ଭିଡ଼ ଜମିବାରେ ଲାଗିଥିଲା I ତେବେ କିଛି ସମୟ ପରେ ଝରୁଥିବା ଜାଗାରୁ ଧଳାରଙ୍ଗର ପାଣି ଝରିଥିଲା ଏବଂ ଏହା କ୍ଷୀର ପରି ଦେଖାଯାଇଥିଲା I
ତେବେ ସବୁଠୁ ଆଶ୍ଚର୍ଯ୍ୟ ଘଟଣା ହେଉଛି ଏହି କ୍ଷୀର ମିଠା ଲାଗିଥିଲା ଯାହାକି ସମସ୍ତଙ୍କୁ ଚକିତ କରିଦେଇଛି Iକାହିଁକିନା ନିମ୍ବ ଗଛ ପିତା ଅଟେ
