ଭାରତୀୟ କ୍ରିକେଟ୍ ଦଳର ସଫଳ ଅଧିନାୟକ ମହେନ୍ଦ୍ର ସିଂ ଧୋନିଙ୍କ ଭବିଷ୍ୟତକୁ ନେଇ ବୁଧବାର ଗୁରୁତ୍ୱପୂର୍ଣ୍ଣ ସୂଚନା ପଦାକୁ ଆସିଛି।ଧୋନିଙ୍କ ଆନ୍ତ୍ରଜାତୀୟ ଖେଳ ଜୀବନ ଆପାତତଃ ଶେଷ ହୋଇଯାଇଥିଲେ ମଧ୍ୟ ଭାରତୀୟ ଦଳରୁ ସେ ସମ୍ପୂର୍ଣ୍ଣ ଦୂରେଇ ଯିବେନି ବୋଲି ବିସିସିଆଇ ସୂତ୍ରରୁ ଜଣାପଡ଼ିଛି। ଈଂଲଣ୍ଡ ରେ ନିଜର ଚତୁର୍ଥ ତଥା ଶେଷ ବିଶ୍ୱକପ୍ ଖେଳିଥିବା ଧୋନି ଆସନ୍ତା ମାସରେ ୱେଷ୍ଟଇଣ୍ଡିଜ ଗ୍ରସ୍ଥରେ ଯିବେ ନାହିଁ।କିଛି ସମୟ କ୍ରିକେଟରୁ ଦୂରେଇ ନେଇ ନିଜ ଭବିଷ୍ୟତ ନେଇ ଚୂଡ଼ାନ୍ତ ନିଷ୍ପତି ନେବେ।ଏକଥା ସେ ବିସିସିଆଇ କୁ ଅଣ ଆନୁଷ୍ଠାନିକ ଭାବେ ଜଣାଇ ଦେଇଛନ୍ତି।
ଧୋନି ବିଶ୍ୱକପ୍ ପରେ ପରେ ଅବସର ଘୋଷଣା କରିବେ ବୋଲି ଚର୍ଚ୍ଚା ଧରିଥିଲା।କେତେକ ଅନୀବାର୍ଯ୍ୟ କାରଣ ପାଇଁ ସେ ତୁରନ୍ତ ଏଭଳି କିଛି ନିଷ୍ପତି ନେଇ ପାରିବେ ନାହିଁ।ଚେନ୍ନାଇ ସୁପର କିଙ୍ଗ ସହ ଧୋନିଙ୍କ ର ୨୦୨୧ ପର୍ଯ୍ୟନ୍ତ ଚୁକ୍ତି ଥିବାରୁ ଏହି ଦଳ ସେ ଏବେ ଅବସର ନେବେ ବୋଲି ଚାହୁଁନାହିଁ।ସେହିଭଳି ଧୋନିଙ୍କ ଉତ୍ତରାଧିକାରୀ ବାଛିବାକୁ ମଧ୍ୟ ଚେନ୍ନାଇକୁ କିଛି ସମୟ ଲାଗିବ।ଏ ସବୁ କଥାକୁ ବିଚାରକୁ ନେଇ ଧୋନି ଏବେ ଅବସର ଘୋଷଣା କରିବାର ସମ୍ଭାବନା କମ୍।
