କିଛି ଦିନ ତଳେ ନୂଆଦିଲ୍ଲୀ ଗସ୍ତ ସମୟରେ ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହା ଓ ପୂର୍ବତନ ରାଷ୍ଟ୍ରୀୟ ଅଧ୍ୟକ୍ଷ ରାଜନାଥ ସିଂହଙ୍କୁ ପ୍ରତାପ ଷଡ଼ଙ୍ଗୀ ଦେଖାକରିଥିଲେ । ଓଡ଼ିଶା ବିଜେପି ପାଣିପାଗ ହାଲଚାଲ ସମ୍ପର୍କରେ ପ୍ରତାପ ଭାଇନା ଙ୍କ ସହିତ ବହୁ ଭିତିରିଆ କଥା ଆଲୋଚନା ହେଇଥିଲା ବୋଲି ସୂଚନା ମିଳୁଛି । ଶୁଣାଯାଉଛି ଓଡିଶା ବିଜେପି ର ପାୱାର ପ୍ରତାପ ଭାଇନା ଙ୍କୁ ମିଳିପାରେ , ଏନେଇ କୁଆଡେ ଖୋଦ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହା ପ୍ରତାପ ଭାଇନା ଙ୍କୁ ପରାମର୍ଶ ଦେଇଛନ୍ତି ଆଗକୁ ମାନସିକ ଓ ଶାରୀରିକ ଭାବେ ପ୍ରସ୍ତୁତ ରହିବାକୁ । ଏକଥା ଶୁଣି ସମର୍ଥକମାନେ ଖୁଶିରେ ଗଦଗଦ ହେଇଗଲେଣି କାହିଁକିନା ପ୍ରତାପ ନନା ଏଇଥର ରାଜ୍ୟ ବିଜେପିର ମଙ୍ଗ ଧରି ପାରନ୍ତି , ଅବଶ୍ୟ ବସନ୍ତ ବାବୁ ଙ୍କ ନେତୃତ୍ୱ ରେ ଦଳ ପଂଚାୟତ ନିର୍ବାଚନ ରେ ଭଲ ପ୍ରଦଶନ କରିଥିଲେ ମଧ୍ୟ ଉପକୂଳ ଓଡ଼ିଶାରେ ତାଙ୍କ ନେତୃତ୍ୱ ଏତେଟା ଗ୍ରହଣୀୟ ହେଇପାରିନି ।
ପୂର୍ବରୁ ମଧ୍ୟ ଓଡିଶା ଗସ୍ତରେ ଆସିଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରତାପ ନନା ଙ୍କ ପିଠି ଥାପୁଡ଼ାଇ ବିଜେପି ଦଳର ସବୁଠୁ ପୁରୁଣା ଘୋଡ଼ା ବୋଲି ସମସ୍ତଙ୍କ ଆଗରେ ଖୋଲାଖୋଲି ପ୍ରସଂଶା କହିଥିଲେ ।