ସବୁଠୁ ଧନୀ ଦେବତା ବୋଲି ଜଗନ୍ନାଥଙ୍କୁ କୁହାଯାଏ I ଆକଳନ କରାଯାଏ ଯେ ରତ୍ନ ଭଣ୍ଡାରରେ ସବୁଠୁ ଅଧିକ ମୂଲ୍ୟବାନ ରତ୍ନ ଅଳଂକାର , ମଣି ମାଣିକ୍ୟ ଏବଂ ଅନ୍ୟ ବହୁ ମୂଲ୍ୟବାନ ସାମଗ୍ରୀ ଅଛି , ପୂର୍ବେ ଗଜପତି ରାଜା ଯେଉଁ ରାଜା ମହାରାଜା ଙ୍କୁ ଯୁଦ୍ଧରେ ପରାସ୍ତ କରୁଥିଲେ ସମସ୍ତଙ୍କ ର ମୁକୁଟ ଏବଂ ହୀରଲୀଳା ରତ୍ନ ଭଣ୍ଡାରରେ ଗଛିତ କରି ରଖାଯାଉଥିଲା I ଏହା ବହୁ ପୁରାତନ ହେଲାଣି ତେଣୁ ଏହାର ଯାଞ୍ଚ ହେବା ନିହାତି ଜରୁରୀ , କିନ୍ତୁ ରତ୍ନଭଣ୍ଡାର ଖୋଲିବା କୁ ବିରୋଧ କରିବା ମାନେ କଣ ? ଏମିତିକି ଜଣେ ଦୁଇଜଣ ସେବାୟତ ସ୍ୱେଚ୍ଛାକୃତ ଆତ୍ମହତ୍ୟା ଆବେଦନ କରିଛନ୍ତି I ରତ୍ନଭଣ୍ଡାର ଖୋଲାଗଲେ ଏମାନେ ଜୀବନ କାହିଁକି ହାରିବେ ? ସବୁ ଘଟଣା କୁ ମିଶାଇଲେ ବଡ ରହସ୍ୟ ଏବଂ ସନ୍ଦେହ ସୃଷ୍ଟି ହେଉଛି I
ଏୟା ବୁଝିନେବାକୁ ହେବ କି ରତ୍ନଭଣ୍ଡାର ରେ ସବୁ ଗଛିତ ରତ୍ନ ର ହରିଲୁଟ ହେଉଯାଇଛି ? ଯାହାର ରହସ୍ୟ ପଦାକୁ ଆସିବାକୁ ଦିଆଯାଉନି ? କାହିଁକିନା ରତ୍ନଭଣ୍ଡାର ଖୋଲାଯିବା ପୂର୍ବରୁ ମହାପ୍ରଭୁ ଙ୍କ ପତିତ ପାବନ ବାନା ପବନରେ ଉଡିଯିବାକୁ ନେଇ କିଛି ଅଜଣା ବ୍ୟକ୍ତି ଚିଲ ନେଇଯିବା ଭଳି ଗୁଜବ ସୃଷ୍ଟି କରି ଦର୍ଶାଇବାକୁ ଚେଷ୍ଟା କରୁଥିଲେ କି ଏହା ଅଶୁଭ ରତ୍ନ ଭଣ୍ଡାର ଖୋଲାନଯାଉ I
ତେବେ ୧୯୮୪ ରେ ଶେଷ ଥର ପାଇଁ ରତ୍ନ ଭଣ୍ଡାର ଦ୍ୱାର ଖୋଲାଯାଇଥିଲା । ପ୍ରଥମ କୋଠରୀ ରେ କେବଳ ଜଗନ୍ନାଥ ଙ୍କ ବ୍ୟବହୃତ ଅଳଂକାର ରହିଥାଏ , ଯାହାକି ରଥଯାତ୍ରା ଏବଂ ଅନ୍ୟାନ୍ୟ ପର୍ବରେ ପ୍ରଭୁ ଙ୍କୁ ଲାଗି କରାଯାଇଥାଏ , ଯାହାର ତାଲିକା ଅଛି I କିନ୍ତୁ ଦ୍ୱିତୀୟ କୋଠରୀ ରେ କେତେ ପରିମାଣରେ ଅଳଙ୍କାର, ରତ୍ନ ଅଛି , ତାହାର ତାଲିକା ନାହିଁ I କୁହାଯାଏ ପାଞ୍ଚଟି ସିନ୍ଦୁକ ଅଛି କିନ୍ତୁ ୧୯୮୪ ରେ ଯାଞ୍ଚ ସମୟରେ ସିନ୍ଦୁକର ତାଲା ନଥିଲା , କୋଟି କୋଟି ଟଙ୍କାର ରତ୍ନ ଯେଉଁଠି ଅଛି ସେଠି ସିନ୍ଦୁକରେ ତାଲା ପଡିଲାନି କିପରି ? ଏହା ଅର୍ଥ କଣ ହେଇପାରେ ? ଧରିନିଆଯିବ କି ରତ୍ନ ସବୁ ହରଣଚାଲ ହେଇଯାଇଛି ? ଯେଉଁଠିପାଇଁ ରତ୍ନଭଣ୍ଡାର ଖୋଲାନଯିବା ପାଇଁ ବିରୋଧ କରାଯାଉଛି ? ଗମ୍ଭୀର ଭିତରେ ସାପ ଅଛି ବୋଲି ପ୍ରଚାର କରାଯାଉଛି , ସତରେ କଣ ସାପ ଅଛି ନା କୋଟି କୋଟି ରତ୍ନ ହରଣଚାଲ ପରେ ଭକ୍ତ ଙ୍କୁ ସାପର ଭୟ ଦେଖାଇ ସବୁଦିନ ପାଇଁ ଏ ରହସ୍ୟ କୁ ଲୁଚାଇବାକୁ ଉଦ୍ୟମ କରାଯାଉଛି ? ପ୍ରଥମ କୋଠରୀ ଯାଞ୍ଚ ପରେ କୁହାଯାଉଛି କି ଦ୍ୱିତୀୟ କୋଠରୀ ର ଚାବି ମିଳୁନି , ବିନା ଚାବି ରେ ପ୍ରତିନିଧି ଦଳ ଭିତରକୁ ଯାଇଥିଲେ କାହିଁକି ?
ଏସବୁ ର ଜବାବ ଜନତା କୁ ସ୍ପଟ ଭାବରେ ଦେବା ଉଚିତ , ଜଗନ୍ନାଥ କାହା ପୈତୃକ ସମ୍ପତି ନୁହନ୍ତି ସେ ସମସ୍ତଙ୍କ ଭଗବାନ , ତେଣୁ ତାଙ୍କ ରତ୍ନଭଣ୍ଡାର ବିଷୟରେ ସବୁ ଭକ୍ତ ନିହାତି ଜାଣିବା ଆବଶ୍ୟକ I
