ଆସାମର ଗୌହାଟୀ ରେ ଏମିତି ଏକ ମନ୍ଦିର ଅଛି ଯେଉଁଠି କୌଣସି ଦେବୀ ଙ୍କର ମୂର୍ତି ନଥିଲେ ମଧ୍ୟ ତାହା
ଦେଶର ବାଉନ ଶକ୍ତି ପିଠ ମଧ୍ୟରୁ ପ୍ରମୁଖ ଭାବରେ ପରିଗଣିତ ହୁଏ I ଏହିଁ ମନ୍ଦିର ନାମ ରହିଛି କାମାକ୍ଷା ମନ୍ଦିର, ପୌରାଣିକ କଥା ଅନୁଯାଇ ଏହିଠାରେ ଶକ୍ତି ଦେବୀ ଙ୍କର ଯୋନି ପଡିଥିଲା I
ଏଠାରେ ଶକ୍ତି ଦେବୀ ଙ୍କ ଯୋନି କୁ ପୂଜା କରାଯାଏ I ଏହି ମନ୍ଦିର ରେ ମନୁଷ୍ୟ ର ସମସ୍ତ ମନ ସ୍କାମନା ପୂର୍ଣ୍ଣ ହୁଏ ବୋଲି ବିଶ୍ୱାସ ରହିଛି I
ମନ୍ଦିର ଭିତରେ ଯୋନି ଆକାରର ଏକ ପଥର ଅଛି ଯେଉଁଥିରୁ କି ସବୁବେଳେ ପାଣି ବାହାରୁଥାଏ , ଏବଂ କୁହାଯାଏ କି ମାସରେ ଥରେ ଏହି ପଥରରୁ ରକ୍ତ ପରି ଲାଲ ପାଣି ବାହାରିଥାଏ I
ଏହାକୁ ମା ଶକ୍ତିଦେବୀ ଙ୍କ ମାସିକ ଋତୁସ୍ରାବ ବୋଲି କୁହାଯାଏ , ଏହି ଲାଲ ପାଣିରେ ନିକଟସ୍ଥ ବ୍ରହ୍ମପୁତ୍ର ନଦି ଲାଲ ହେଇଯାଏ I ତେବେ ଏମିତି କାହିଁକି ଏବଂ କଣ ପାଇଁ ହୁଏ ଏହାର କାରଣ ଆଜି ଯାଏଁ କାହା ପାଖରେ ନାହିଁ ,I ଏହା ତନ୍ତ୍ର ସାଧନା ର ଏକ ପିଠ ଅଟେ I
ପୌରାଣିକ କଥା ଅନୁଯାଇ ଦେବୀ ପାର୍ବତୀ ପିତା ଦକ୍ଷ ଙ୍କ ଯଜ୍ଞ କୁ ଯିବାକୁ ବାହାରିବା ସମୟରେ ପ୍ରଭୁ ଶିବ ବାରଣ କରିବା ସତ୍ୱେ ଦେବୀ ପାର୍ବତୀ ଦକ୍ଷ ରାଜାଙ୍କ ଯଜ୍ଞ ରେ ଯୋଗଦେଇଥିଲେ I
ଦକ୍ଷ ରାଜା ଶିବ ଙ୍କ ବହୁ ଅପମାନ କରିବାରୁ , ପତିଙ୍କ ଅପମାନ ସହ୍ୟ କରିନପାରି ଦେବୀ ପାର୍ବତୀ ଯଜ୍ଞ କୁଣ୍ଡକୁ ଝାସ ଦେଇ ଜୀବନ ହାରିଥିଲେ I ଏହା ଜାଣିପାରି ମହାଦେବ ପ୍ରତିଶୋଧ ପରାୟଣ ହେଇ ସେଠାରେ ପହଂଚି ଯଜ୍ଞ କୁଣ୍ଡରୁ ଦେବୀ ଙ୍କ ଶରୀର ବାହାର କରି ନିଜ କାନ୍ଧରେ ରଖି ତାଣ୍ଡବ ନୃତ୍ୟ କରିଥିଲେ ସମଗ୍ର ସୃଷ୍ଟି କୁ ଧ୍ବଂସ କରିଦେବା ପାଇଁ I
ଶିବଙ୍କୁ ଶାନ୍ତ କରିବାକୁ ପ୍ରଭୁ ବିଷ୍ଣୁ ତାଙ୍କ ଚକ୍ର ନିକ୍ଷେପ କରିବା ବେଳେ ଏହି ଚକ୍ର ଦ୍ୱାରା ଦେବୀ ଙ୍କ ଶରୀର 52 ଭାଗରେ ବିଭକ୍ତ ହେଇ ମର୍ତ୍ୟ ରେ ପଡିଥିଲା ଯାହାକି 52 ଶକ୍ତିପୀଠ ନାମରେ ପରିଚିତ I ତନ୍ମଧ୍ୟରୁ କାମାକ୍ଷା ଅନ୍ୟତମ I
