ବେକାରୀ ସମସ୍ୟା ବଢ଼ିବାରେ ଲାଗିଛି ,ସାଧାରଣ ଯୁବକ ଯୁବତୀ କଥା ଦୂରେ ଥାଉ ହଜାର ହଜାର ଟେକ୍ନିକାଲ ଛାତ୍ର ଛାତ୍ରୀ ,ITI ,ଡିପ୍ଲୋମା ,ଡିଗ୍ରୀ କରି ବେକାର I ଅନ୍ୟାନ୍ୟ କ୍ଷେତ୍ର ଗୁଡିକରେ ମଧ୍ୟ ନିଯୁକ୍ତି ର ବାଟ ବନ୍ଦ ହେଇଥିବା ବେଳେ ରୋଜଗାର ର ସମସ୍ତ ପ୍ରକାର ବାଟ ଯେପରି ଯୁବ ବନ୍ଧୁ ମାନଙ୍କ ପାଇଁ ବନ୍ଦ ହେଇସାରିଛି ଯାହା ଫଳରେ ସେମାନେ ବାଧ୍ୟ ହେଇ ସୁରଟ ,ଗୋଆ ପରି ବାହାର ରାଜ୍ୟକୁ ସାମାନ୍ୟ କାମ ଖଣ୍ଡେ ପାଇଁ ନିଜ ଭିଟା ମାଟିକୁ ଛାଡି ଯାଉଛନ୍ତି I ବିଜେଡି ର ଦୀର୍ଘ ୧୮ ବର୍ଷ ସାଶନ ଭିତରେ ନିଯୁକ୍ତି ଘର ସମ୍ପୂର୍ଣ୍ଣ ଶୂନ I I ଦୀର୍ଘ ଚାରି ବର୍ଷ ମଧ୍ୟରେ ରାଜ୍ୟର ଏମ୍ପ୍ଲୟମେଣ୍ଟ ଏକ୍ସଚେଞ୍ଜରେ ପାଖାପାଖି ୨ ଲକ୍ଷ 30 ହଜାର ଯୁବକ /ଯୁବତୀ ନିଜର ନାମ ପଞ୍ଜୀକରଣ କରାଇଥିଲେ ମଧ୍ୟ ତଥ୍ୟ ଅନୁଯାଇ ମାତ୍ର ୧୧୪୪ଜଣଙ୍କୁ ନିଯୁକ୍ତି ଦିଆଯାଇଛି I
ରାଜ୍ୟର କେତୋଟି ଜିଲ୍ଲାରେ ନିଯୁକ୍ତି ମେଳା ର ଆୟୋଜନ କରାଯାଇଥିଲେ ମଧ୍ୟ ଏହାର କୌଣସି ସୁଫଳ ମିଳିପାରିନାହିଁ ଓଲଟା ପ୍ରତି ଯୁବକ ଯୁବତୀ ଙ୍କ ଠାରୁ ୧୦୦ ଟଙ୍କା ଲେଖାଏଁ ପାଖାପାଖି 40ଲକ୍ଷ ଟଙ୍କା ର ଆତ୍ମସାତ ହେଇଥିବା ବିଜେପି ଅଭିଯୋଗ କରିଛି I
ଏହାକୁ ନେଇ ଆଜି ବିଜେପି ପକ୍ଷରୁ ସମସ୍ତ ଏମ୍ପ୍ଲୟମେଣ୍ଟ ଏକ୍ସଚେଞ୍ଜ ଅଫିସ ଗୁଡିକ ତାଲା ପକାଇବାର ଡାକରା ଦିଆଯାଇଛି I ଅପରପକ୍ଷରେ ବିଜେଡି ଏହାକୁ ଖଣ୍ଡନ କରିବା ସହିତ ବିଜେପି କୁ ଚେକ ଦେବାକୁ ଯୁବ ଓ ଛାତ୍ର ଦ୍ୱାରା ସମସ୍ତ କେନ୍ଦ୍ରୀୟ ରାଷ୍ଟ୍ରାୟତ୍ତ ଉଦ୍ୟୋଗ ଆଗରେ ଧାରଣା ଦେବାକୁସ୍ଥିର କରାଯାଇଛି ।