ଢେଙ୍କାନାଳ ଜିଲ୍ଲାର ଜଣେ ଟାଣୁଆ ନେତା ହିସାବରେ ରାଜ୍ୟରେ ନିଜର ପ୍ରଭାବ ରଖିପାରିଥିବା କାମାକ୍ଷାନଗର ବିଧାୟକ ତଥା ରାଜ୍ୟ ଖଣି, ଇସ୍ପାତ ଓ ପୂର୍ତ୍ତ ମନ୍ତ୍ରୀ ପ୍ରଫୁଲ୍ଲ ମଲ୍ଲିକଙ୍କ ନିଜ ନିର୍ବାଚନ ମଣ୍ଡଳୀରେ କୌଣସି ଆଖି ଦୃଶିଆ ପଦକ୍ଷେପ ନିଆଯାଇପାରିନାହିଁ I ଅଞ୍ଚଳ ବାସି ସବୁବେଳେ ଅଭିଯୋଗ କରିଆସିଛନ୍ତି ଯେ କେବଳ ସରକାରୀ କାର୍ଯ୍ୟକ୍ରମ ଅନୁଯାଇ ଗତାନୁଗତିକ କାର୍ଯ୍ୟ ହେଇଚି କୌଣସି ଆଖିଦୃଶିଆ ଉନ୍ନତି ହେଇପାରିନାହିଁ I
ସ୍ବାସ୍ଥ୍ୟ।ସେବା କ୍ଷେତ୍ରରେ ଭୁବନ ସବୁଠାରୁ ପଛରେ ରହିଯାଇଛି ଏବେବି ଜିରାଳ, ଭୂବନ ଓ କାମାକ୍ଷନଗରର କୋଣସି ଡାକ୍ତରଖାନାରେ ସ୍ଥାୟୀ ଡାକ୍ତର ରହୁ ନଥିବା ବେଳେ ଆବଶ୍ୟକ ଡାକ୍ତର ନାହାନ୍ତି I ଯାହାକୁ ନେଇ ଜନଅସନ୍ତୋଷ ବଢ଼ିବାରେ ଲାଗିଛି I ଏହାକୁ ନେଇ ଗତ ଜାନୁଆରୀ 27ତାରିଖରେ ଓଡିଶା ଏକ୍ସକ୍ଲୁସିଭ ତରଫରୁ ଏକ ସ୍ୱତନ୍ତ୍ର ଖବର ପ୍ରସାରଣ କରାଯାଇଥିଲା
I ତେବେ ଖବର ପ୍ରସାରଣ ପରେ ମଧ୍ୟ କୌଣସି ପଦକ୍ଷେପ ନିଆଯାଇପାରିନାହିଁ I ଫଳରେ ଆଜି ୧୨ ଘଣ୍ଟିଆ ଭୁବନ ବନ୍ଦ ଡାକରା ଦିଆଯାଇଛି I ୫୩ ନଂ. ଜାତୀୟ ରାଜପଥକୁ ଆନ୍ଦୋଳନକାରୀ ମାନେ ବନ୍ଦ ରଖିଛନ୍ତି I ଫଳରେ ଶହ ଶହ ଗାଡିମଟର ବନ୍ଦ ରହିଛି I
ଭୁବନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ତୁରନ୍ତ ଡାକ୍ତର ପଦବୀ ପୂରଣ ପାଇଁ ଏହି ଆନ୍ଦୋଳନ କରାଯାଇଥିବା ସୂଚନା ମିଳିଛି I ଆଞ୍ଚଳିକ କ୍ରିୟାନୁଷ୍ଠାନ କମିଟିର ସଭାପତି ବ୍ରଜବନ୍ଧୁ ରାଉତ, ବରିଷ୍ଠ କର୍ମକର୍ତ୍ତା ରଥ ସେଠୀ ଏବଂ ଦୁର୍ଗା ପ୍ରସାଦ ପୃଷ୍ଟି, ଚିନ୍ତାମଣି ଦାସ ପ୍ରମୁଖ ଆନ୍ଦୋଳନ ର ନେତୃତ୍ୱ ନେଇ ଚେତାବନୀ ଦେଇଛନ୍ତି କି ଆଗାମୀ ଦିନରେ ଦାବି ପୂରଣ ନହେଲେ ଆନ୍ଦୋଳନ କୁ ତୀବ୍ର କରାଯିବ I ଭୁବନ ରୁ ପ୍ରତିନିଧି ଗୌତମ ଏବଂ ଲକି I ଓଡିଶା ଏକ୍ସକ୍ଲୁସିଭ I
