ପାଖେଇ ଆସୁଛି 2019 ନିର୍ବାଚନ I ପ୍ରତ୍ୟକ ରାଜନୈତିକ ଦଳ ନିର୍ବାଚନ ପାର ହେବାକୁ ନିଜ ନିଜର ରଣକୌଶଳ ରେ ବ୍ୟସ୍ତ I ତେବେ ପୂରା ଦେଶରେ ମହିଳାଙ୍କ ଲାଗି ୩୩ ପ୍ରତିଶତ ସଂରକ୍ଷଣ କଥା ଉଠାଇ ଚର୍ଚ୍ଚା ରେ ରହିଥିବା ବିଜେଡି ସୁପ୍ରିମୋ ନବୀନ ପଟ୍ଟନାୟକ 2019 ନିର୍ବାଚନ ରେ ମହିଳାଙ୍କୁ ନେଇ ଏକ ମାଷ୍ଟର ଷ୍ଟ୍ରୋକ ଖେଳିପାରନ୍ତି ବୋଲି ଚର୍ଚା ହେଉଛି I ରାଜ୍ୟରେ ବର୍ତମାନ ପ୍ରାୟ ୪୫ ପ୍ରତିଶତ ମହିଳା ଭୋଟର ରହିଥିବା ବେଳେ ସେମାନଙ୍କୁ ଅଧିକ ଗୁରୁତ୍ୱ ଦେଇଛନ୍ତି ନବୀନ ପଟନାୟକ I 2019 ନିର୍ବାଚନ ରେ ମହିଳାଙ୍କୁ ଅଗ୍ରାଧିକାର ଦିଆଯିବ ବୋଲି ନିର୍ଭର ସୂତ୍ରରୁ ଖବର ମିଳିଛି I
ଅନ୍ୟପଟେ ବିରୋଧୀ କଂଗ୍ରେସ ଏବଂ ବିଜେପି ମଧ୍ୟ ମହିଳା ଭୋଟର ଙ୍କୁ ଟାର୍ଗେଟ କରିଛନ୍ତି Iନିଜେ ଉଠାଇଥିବା ୩୩ ପ୍ରତିଶତ ସଂରକ୍ଷଣ କଥାକୁ କାମରେ କରି ଦେଖାଇବାକୁ ଚାଁହୁଛନ୍ତି ନବୀନ I ଏଥିପାଇଁ ପ୍ରସ୍ତୁତି ଆରମ୍ଭ ହେଇଗଲାଣି I ନିକଟରେ ବିଜେଡି ରେ ପ୍ରମୁଖ କାରଣ ଗୋଷ୍ଟି କନ୍ଦଳ ପାଲଟିଛି I ଅନେକ କ୍ଷେତ୍ରରେ ଦେଖିବାକୁ ମିଳୁଛି କି ଦଳୀୟ ବିଧାୟକ ଙ୍କ ସହ ଅନ୍ୟ ଏକ ବିଜେଡି ଗୋଷ୍ଠୀ ମଧ୍ୟରେ କନ୍ଦଳ ଆରମ୍ଭ ହେଇଗଲାଣି I ଏଭଳି ନିର୍ବାଚନୀ ମଣ୍ଡଳୀ ଗୁଡିକ ଏବେ ହାଇକମାଣ୍ଡ ଙ୍କ ନଜର ରେ ରହିଛି I ଶୁଣାଯାଉଛି ଏହି ଅଞ୍ଚଳରେ ମହିଳା ପ୍ରାଥୀ ଖୋଜାଯାଉଛି I
ଏହା ସହିତ ଅନ୍ୟ ସମସ୍ତ ଜିଲ୍ଲାରେ ଜଣେ ଜଣେ ସୁଦକ୍ଷା ମହିଳାଙ୍କୁ ପ୍ରାଥୀ କରାଯିବା ନେଇ ପ୍ରସ୍ତୁତି ଚାଲିଛି I ଏନେଇ ମହିଳା ପ୍ରାର୍ଥୀଙ୍କୁ ଚିହ୍ନଟ କରି ରିପୋର୍ଟ ଦେବାକୁ ସ୍ଥାନୀୟ ପର୍ଯ୍ୟବେକ୍ଷକମାନଙ୍କୁ ଦଳ ତରଫରୁ ନିର୍ଦ୍ଦେଶ ଦିଆଯାଇଛି I
ତାଲିକା ମିଳିବା ପରେ ଯେଉଁ ପ୍ରାଥୀନି ମାନଙ୍କର ସୁ ସଂଘଠନ ସହିତ ଲୋକପ୍ରିୟତା ରହିଥିବ ଏବଂ ବିଜୟ ର ସମ୍ଭାବନା ଥିବ ସେମାନଙ୍କ ବିଷୟରେ ପୁଙ୍ଖାନୁପୁଙ୍ଖ ଯାଞ୍ଚ କରାଯାଇ ଟିକେଟ ଘୋଷଣା କରାଯିବ I
