କଂଗ୍ରେସ ଅଧ୍ୟକ୍ଷା ରାହୁଲ ଗାନ୍ଧୀଙ୍କ ଭିଣେଇ ରବର୍ଟ ଭଦ୍ରା ଏବଂ ତାଙ୍କ ମାଆ ମୌରିନ୍ ଆଜି ବିକାନେର ଜମି ଦୁର୍ନୀତି ମାମଲାରେ ଜୟପୁର ସ୍ଥିତ ଇଡି ଅଫିସରେ ହାଜର ହୋଇଥିଲେ।କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧୀ ଆଜି ତାଙ୍କ ସ୍ବାମୀ ରବର୍ଟ ଓ ଶାଶୁଙ୍କୁ ଇଡି ଅଫିସରେ ନିକଟରେ ଛାଡିଥିଲେ। ହାଜର ହେବାର ମାତ୍ର କିଛି ସମୟ ପରେ ଭଦ୍ରା ଙ୍କ ମାଙ୍କୁ ଛାଡ଼ି ଦିଆଯାଇଥିଲା।
କିନ୍ତୁ ରବର୍ଟ ଭଦ୍ରାଙ୍କୁ ଅପରାହ୍ନ ୧:୩୦ ରେ ଛଡ଼ା ଯାଇଥିଲା।ତେବେ ପୁନର୍ବାର ସେ ମଧ୍ୟାହ୍ନ ଭୋଜନ ସାରି ପୁଣିଥରେ ଇଡି ରେ ହାଜର ହୋଇଥିଲେ।ପୂର୍ବରୁ ମନି ଲଣ୍ଡ୍ରି ମାମଲାରେ ଭଦ୍ରା ୩ ଥର ଦିଲ୍ଲୀ ସ୍ଥିତ ଇଡି ଦପ୍ତରରେ ହାଜର ହୋଇଥିଲେ।ତେବେ ବିକାନେର ଦୁର୍ନୀତି ମାମଲାରେ ଭଦ୍ରା ଆଜି ପ୍ରଥମ ଥର ପାଇଁ ଜୟପୁର ସ୍ଥିତ ଇଡି ଅଫିସରେ ହାଜର ହୋଇଛନ୍ତି।
