ସରିଯାଇଛି ନିର୍ବାଚନ ମତଦାନ ଗଣତି Iରାଜ୍ୟରେ ଅଧିକାଂଶ ନିର୍ବାଚନୀ ମଣ୍ଡଳୀ ରେ ବିଜେଡି ପୁନର୍ବାର ବହୁମତ ପାଈ ଆଗରେ ଥିବାବେଳେ ସବୁଠୁ ଚର୍ଚାରେ ଥିବା ଢେଙ୍କାନାଳ ନିର୍ବାଚନ ମଣ୍ଡଳୀ ରେ ବାଜି ଜିତିଯାଇଛନ୍ତି ବିଜେଡି ପ୍ରାଥୀ ସୁଧୀର ସାମଲ I ବିଶେଷ କରି ବିଜେଡି ର ଗଡ ଥିବା ଏହି ନିର୍ବାଚନୀ ମଣ୍ଡଳୀ ରେ ପୂର୍ବଥର ସରୋଜ ସାମଲ 3200 ଭୋଟ ବ୍ୟବଧାନ ରେ ବିଜୟୀ ହେଇଥିବା ବେଳେ ଏଥରକ ସୁଧୀର ସାମଲ 21023 ଭୋଟ ବ୍ୟବଧାନ ରେ ପ୍ରତିପକ୍ଷ ବିଜେପି ପ୍ରାଥୀ କୃଷ୍ଣ ପାତ୍ର ଙ୍କୁ ହରାଇଛନ୍ତି I ସୁଧୀର ଙ୍କ ବିପକ୍ଷରେ ବିଜେପି ପ୍ରାଥୀ କୃଷ୍ଣ ପାତ୍ର ଏବଂ କଂଗ୍ରେସ ପ୍ରାଥୀ ନବୀନ ନନ୍ଦ ଲଢୁଥିଲେ ମଧ୍ୟ ,ସୁଧୀର ଙ୍କ ଲୋକପ୍ରିୟତା ଆଗରେ ଉଭୟ ଚିତ୍ ପଟାଙ୍ଗ ମାରିଛନ୍ତି I
ପ୍ରଚାର ମୈଦାନ ରେ ସୁଧୀର ଙ୍କ ଲୋକପ୍ରିୟତା ଯଥେଷ୍ଟ ଦେଖିବାକୁ ମିଳିଥିଲା ,ଏନେଇ ପୂର୍ବରୁ ମଧ୍ୟ ଓଡିଶା Exclusive ଗ୍ରାଉଣ୍ଡ ଜିରୋ ରିପୋର୍ଟ ଅନୁଯାଇ ପ୍ରକାଶ ପାଇଥିଲା କି ଆଗରେ ଅଛନ୍ତି , ଢେଙ୍କାନାଳ ରେ ବାଜି ମାରିପାରନ୍ତି I
ତେବେ ସତ ହେଇଚି ଓଡିଶା Exclusive ପୂର୍ବାନୁମାନ ,ବହୁମତରେ ବିଜୟୀ ହେଇଛନ୍ତି ସୁଧୀର ସାମଲ I
ଏନେଇ ଓଡିଶା Exclusive କୁ ସାକ୍ଷାତ କାର ଦେଇ ସୁଧୀର ସାମଲ କହିଛନ୍ତି ଯେ ଢେଙ୍କାନାଳ ବାସୀଙ୍କ ଭଲପାଇବା ଏବଂ ଶ୍ରଦ୍ଧା ଆଗରେ ସେ ଋଣୀ I ତାଙ୍କୁ ଏତେ ପରିମାଣରେ ଭଲପାଇବା ଦେଇଥିବାରୁ ଢେଙ୍କାନାଳ ବାସୀଙ୍କ ପାଖରେ କୃତଜ୍ଞ I ଆଗାମୀ ଦିନରେ ଢେଙ୍କାନାଳ ରେ ବାକି ରହିଯାଇଥିବା ସମସ୍ତ ଅଧୁରା କାର୍ଯ୍ୟ କୁ ସେ ପୁରା କରିବାକୁ ପ୍ରତିଶୃତିବଦ୍ଧ I ବିଶେଷ କରି ଢେଙ୍କାନାଳ ପାଇଁ ତାଙ୍କୁ ଚୟନ କରିଥିବାରୁ ମାନ୍ୟବର ମୁଖ୍ୟମନ୍ତ୍ରୀ ଙ୍କୁ ମଧ୍ୟ ସେ ଧନ୍ୟବାଦ ଜଣାଇଛନ୍ତି I
