ବିଗତ କିଛିଦିନ ଧରି ବାତ୍ୟା ଫନି ପାଇଁ ସବୁଠୁ ଅଧିକ ଚର୍ଚ୍ଚା ରେ ଥିବା ପୁରୀ ଆଜି ପୁଣି ଥରେ ଚର୍ଚାର ପରିଧି କୁ ଚାଲିଆସିଛି Iନିର୍ବାଚନ ଗଣତି ଫଳାଫଳ ଘୋଷଣା ହେଇସାରିଥିବା ବେଳେ ପୁରୀରେ ସମସ୍ତଙ୍କୁ ଚମକାଇଦେଇଛି ଫଳାଫଳ I ବିଜେଡି ର ସବୁଠାରୁ ଟାଣୁଆ ନେତା ତଥା ପୁରୀର ବିଧାୟକ ମହେଶ୍ୱର ମହାନ୍ତି ହାରି ଯାଇଛନ୍ତି ନିଜ ଶିଷ୍ୟ ଜୟନ୍ତ ଷଡ଼ଙ୍ଗୀ ଙ୍କ ଠାରୁ I ଜୟନ୍ତ ବିଜେଡି ର ଟାଣୁଆ ନେତା ଥିବାବେଳେ ମୁନିସିପାଲିଟି ଚେୟାର ମ୍ୟାନ ଥିଲେ ଏବଂ ସତ୍ୟବାଦୀ ବିଧାନସଭା ପାଇଁ ଆଶାୟୀ ଥିଲେ ,ଦଳ କିନ୍ତୁ ତାଙ୍କୁ ଅଣଦେଖା କରିଥିଲା ଫଳରେ ସେ ବାଧ୍ୟ ହେଇ ବିଜେଡି ଛାଡିଥିଲେ ଏବଂ ବିଜେପି ରେ ମିଶିଥିଲେ
I ବିଜେପି ରୁ ତାଙ୍କୁ ପୁରୀ ଟିକେଟ ମିଳିଥିଲା ଏବଂ ସେ ପୁରୀରେ ମହେଶ୍ୱର ଙ୍କ ବିପକ୍ଷରେ ଲଢ଼ିଥିଲେ I ତେବେ ସମସ୍ତଙ୍କୁ ଆଶ୍ଚର୍ଯ୍ୟ କରି ଜୋରଦାର ଟକ୍କର ଦେଇ ମହେଶ୍ୱର ଙ୍କୁ ହରାଇଛନ୍ତି ଜୟନ୍ତ ଷଡ଼ଙ୍ଗୀ I ମହେଶ୍ୱର 71156ଭୋଟ ପାଇଥିବା ବେଳେ ଜୟନ୍ତ 74413ଭୋଟ ପାଇଛନ୍ତି I
ବିଜେଡି ରେ ଜୟନ୍ତ ଙ୍କ ଦଗଦମା ରୁ ଅନୁମାନ କରାଯାଉଥିଲା କି ଜୟନ୍ତ ଙ୍କ ଦଳ ଛାଡିବା ବିଜେଡି ପାଇଁ ମହଙ୍ଗା ପଡିପାରେ ଏବଂ ପୁରୀର ଅନ୍ୟ ଆସନ ଉପରେ ପ୍ରଭାବ ପକାଇପାରେ ଯାହାକି ବାସ୍ତବରେ ସାବ୍ୟସ୍ତ ହେଇଚି I ଏବଂ ଜୟନ୍ତ ଙ୍କ ପ୍ରଭାବ ଲୋକସଭା ଏବଂ ବ୍ରହ୍ମଗିରି ରେ ମଧ୍ୟ ଦେଖିବାକୁ ମିଳିଛି I