ଗତକାଲି ମୁଖ୍ୟମନ୍ତ୍ରୀ କେନ୍ଦ୍ରାପଡା ଗସ୍ତ କରିଥିବା ବେଳେ ,ଖବର ସଂଗ୍ରହ ପାଇଁ ଯାଇଥିବା NEWS 18 ରିପୋର୍ଟର ଅଜେଶ ମଲ୍ଲିକ ଙ୍କୁ କେନ୍ଦ୍ରାପଡା ଏସପି ଦୁର୍ବ୍ୟବହାର କରିବା ସହିତ ହାତ ମଧ୍ୟ ଉଠାଇଥିଲେ I ତେବେ ଏହାର ଭିଡିଓ ସୋସିଆଲ ମିଡିଆରେ ଭାଇରଲ ହେବାପରେ ସବୁଆଡୁ ତୀବ୍ର ବିରୋଧ କରାଯାଇଥିଲା I ଏପରିକି ସାମ୍ବାଦିକ ସଙ୍ଘ ଏହାକୁ ତୀବ୍ର ବିରୋଧ କରିଥିଲା I ତେବେ ଘଟଣାର ଗୁରୁତ୍ବ କୁ ଉପଲବ୍ଧି କରି ଏସ୍ପି କ୍ଷମା ମାଗିଛନ୍ତି I ଏସ୍ପି ନୀତି ଶେଖର କହିଛନ୍ତି ଯେ ଭୁଲ ବଶତଃ ଅଧିକ ଭିଡ କୁ ନିୟନ୍ତ୍ରଣ କରିବାକୁ ଯାଇ ସେ ଊଂଚ୍ଚ ସ୍ୱରରେ କହିଦେଇଥିଲେ I
ସାମ୍ବାଦିକ ଙ୍କୁ ମୁଁ ବହୁତ ସମ୍ମାନ ଦିଏ । ଜାଣିଶୁଣି ଏପରି କରିନାହିଁ ,ତଥାପି ଯଦି କାହାକୁ ଆଘାତ ଲାଗିଥାଏ ସେଥିପାଇଁ କ୍ଷମା ମାଗୁଛି I ଏପଟେ ସାମ୍ବାଦିକ ସଙ୍ଘ ଏହାକୁ ନିନ୍ଦା କରିବା ସହିତ ତୁରନ୍ତ ଏସ୍ପି ଙ୍କୁ ବଦଳି କରିବାକୁ ଦାବି କରିଛନ୍ତି I ଏପରିକି ଆଜି କଳା ବ୍ୟାଜ ପିନ୍ଧି କାର୍ଯ୍ୟ କରିବେ ବୋଲି ଜଣାପଡିଛି I
