ନୂଆ ମୋଟରଯାନ ଆଇନ ଲାଗୁହେବା ପରେ ଜୋରିମାନା କୁ ନେଇ ତୀବ୍ର ଅସନ୍ତୋଷ ଲାଗି ରହିବା ପରେ ଶେଷରେ ବାଧ୍ୟ ହେଇ ମୁଖ୍ୟମନ୍ତ୍ରୀ ଏଥିରେ ହସ୍ତକ୍ଷେପ କରିଥିଲେ ଏବଂ ଏହାକୁ ୩ ମାସ ପାଇଁ କୋହଳ କରିଥିଲେ Iତେବେ ମୁଖ୍ୟମନ୍ତ୍ରୀ ଙ୍କ ଘୋଷଣା କେବଳ ଘୋଷଣା ରେ ରହିଯାଇଛି I ମୁଖ୍ୟମନ୍ତ୍ରୀ ଙ୍କ ଘୋଷଣା କୁ ବେଖାତିର କରି ପୁଣି ବାଇକ ଚାଳକ ଠାରୁ ୧୮,୫୦୦ ଜୋରିମାନା ଚାଲାଣ କାଟିଛନ୍ତି ଟ୍ରାଫିକ ଵାଲା I
ମିଳିଥିବା ଖବର ଅନୁଯାଇ ଘଟଣା ଟି ମୟୂରଭଞ୍ଜ ଜିଲା ବେତନଟୀ ଥାନା ଅନ୍ତର୍ଗତ I ୧୮ନଂ ଜାତୀୟ ରାଜପଥର ବଙ୍ଗଳାଛକ ନିକଟରେ ଗତକାଲି ଗାଡି ଯାଞ୍ଚ କରାଯାଉଥିବା ସମୟରେ ସ୍ଥାନୀୟ ଜଣେ ଚାଷୀ ବିଲରୁ ସାର ପକାଇ ଫେରୁଥିବା ସମୟରେ ତାଙ୍କୁ ଅଟକା ଯାଇ ତାଙ୍କ ଉପରେ ୧୮,୫୦୦ ଟଙ୍କା ଜୋରିମାନା ଲଦି ଦିଆଯାଇଛି I ଯୁବକ ଜଣଙ୍କ ନାମ ଗୋପାଳ ଚନ୍ଦ୍ର ମହାନ୍ତ ଏବଂ ତାଙ୍କ ଘର ଶୁଖିଲା ହାର I ଏତେ ଟଙ୍କା ସଙ୍ଗେ ସଙ୍ଗେ ଦେଇପାରିବେନି ବୋଲି କହିବାରୁ ତାଙ୍କ ବାଇକ କୁ ପୋଲିସ ଥାନାକୁ ନେଇଯାଇଛି I