ବିଜେଡିର ତୁଣ୍ଡ ଦାମ ରାଉତ ଲଗାତାର ସରକାର ଙ୍କ ବିଭିର୍ଣ୍ଣ ବିଭାଗରେ ହେଇଥିବା ଦୁର୍ନୀତିର ଗୁମର ଖୋଲିବା ପରେ ଏବେ ନିଜ ଦଳରେ ତାଙ୍କ ପ୍ରତି କଟୁ ସମାଲୋଚନା ହେବାରେ ଲାଗିଛି I ଶେଷରେ ତାଙ୍କୁ ଦଳରୁ ବହିଷ୍କାର କରିବାକୁ ଦଳୀୟ କର୍ମୀ ଙ୍କ ସହିତ ଜଗତସିଂହପୁର ଜିଲ୍ଲା ସଭାପତି ବିଷ୍ଣୁ ଦାସ ଏବଂ ବିଧାୟକ ପ୍ରଶାନ୍ତ ମୁଦୁଲି ମୁଖ୍ୟମନ୍ତ୍ରୀ ଙ୍କୁ ଭେଟି ଲିଖିତ ଅଭିଯୋଗ କରିଛନ୍ତି I
ଦାମ ରାଉତ ବିଜେଡି ରେ ଥାଇ ମଧ୍ୟ ଲଗାତାର ଦଳୀୟ ବିରୋଧୀ ମନ୍ତବ୍ୟ ଦେଉଛନ୍ତି ,ଯାହାଦ୍ୱାରା ଏହା ଦଳକୁ ଅସୁବିଧାରେ ପକାଉଛି ,ତେଣୁ ତୁରନ୍ତ ଦାମ ଙ୍କୁ ଦଳରୁ ବହିଷ୍କାର କରାଯିବାକୁ ଅଭିଯୋଗ ରେ ଉଲ୍ଲେଖ କରାଯାଇଛି I
ଅପରପକ୍ଷରେ ଏନେଇ ଦାମ ରାଉତ କହିଛନ୍ତି ଯେ ବିଷ୍ଣୁ ଦାସ ଙ୍କ କଥାରେ କଣ ମୁଖ୍ୟମନ୍ତ୍ରୀ ମତେ ଦଳରୁ କାଢ଼ିଦେବେ ?? ବିଷ୍ଣୁ ଦାସ କେମିତି ଲୋକ ମୁଖ୍ୟମନ୍ତ୍ରୀ ଜାଣିଛନ୍ତି I ବିଷ୍ଣୁ ଦାସ ମୁଖ୍ୟମନ୍ତ୍ରୀ ଙ୍କୁ ସବୁବେଳେ ବିରୋଧ କରୁଥିଲେ ଯେଉଁଥିପାଇଁ ତାଙ୍କୁ ପ୍ୟାରୀମୋହନ ଦଳରୁ ଥରେ ବହିଷ୍କାର କରିଥିଲେ ,ଅନ୍ୟପଟରେ ବିଧାୟକ ପ୍ରଶାନ୍ତ ମୁଦୁଲି ଙ୍କ କପାଳରେ କଙ୍କଡା ବିଛା ପଶିଲାନି ସେଥିପାଇଁ ସେ ଏମିତି ହେଉଛନ୍ତି ବୋଲି ଦାମ କହିଛନ୍ତି I ଅନ୍ୟପଟେ ଦାମ କହିଛନ୍ତି ଯେ ତାଙ୍କୁ ଦଳୀୟ ଉପ ସଭାପତି,ମନ୍ତ୍ରୀପଦ ରୁ ବିଦା କରିଦିଆଯାଇଛି ତଥାପି ସେ ମୁଖ୍ୟମନ୍ତ୍ରୀ ଙ୍କୁ ସାକ୍ଷାତ କରିନାହାନ୍ତି ଯଦି ଦଳରୁ ବିଦା କରିଦିଆଯାଏ ତେବେ ବି ସେ ମୁଖ୍ୟମନ୍ତ୍ରୀ ଙ୍କୁ ଦେଖା କରିବେ ନାହିଁ I