ସୋସିଆଲ ମିଡିଆରେ ଏବେ ଗୁଜରାଟ ମୁଖ୍ୟମନ୍ତ୍ରୀଙ୍କ ଫଟ ଭାଇରଲ ହେବାରେ ଲାଗିଛି I ଯାହାକୁ ନେଇ ସବୁ ମହଲରୁ ପ୍ରଶଂସାର ସୁଅ ଛୁଟିବାରେ ଲାଗିଛି I ମୁଖ୍ୟମନ୍ତ୍ରୀ ବିଜୟ ରୂପାଣୀ ଙ୍କ ମାନବିକତା ପାଇଁ ସମସ୍ତେ ସାଧୁବାଦ ଜଣାଇଛନ୍ତି Iସାଧାରଣତଃ ରାଜ୍ୟର ମୁଖିଆ ମୁଖ୍ୟମନ୍ତ୍ରୀ କୌଣସି କାମରେ ଯାଉଥିବା ବେଳେ ସୁରକ୍ଷା ଦୃଷ୍ଟିରୁ ସିକୁରିଟି ବ୍ୟବସ୍ତା ପୁରା କଡାକଡି କରାଯାଇଥାଏ I ସେମିତି ଏକ ସୁରକ୍ଷାବଳୟ ଭିତରେ ଗୁଜରାଟ ମୁଖ୍ୟମନ୍ତ୍ରୀ ଏକ ଗୁରୁତ୍ୱପୂର୍ଣ୍ଣ ବୈଠକ ପାଇଁ ଗାନ୍ଧୀନଗରରୁ ଅହମଦାବାଦ ଯାଉଥିଲେ କିନ୍ତୁ ହଠାତ ତାଙ୍କ ଗାଡି ବାଟରେ ଅଟକିଯାଇଥିଲା ଜଣେ ମହିଳାଙ୍କ ପାଇଁ I
ମହିଳା ଜଣଙ୍କ ଏକ ଦୁର୍ଘଟଣା ରେ ଆହତ ହେଇ ସାହାଯ୍ୟ ପାଇଁ ଆକୁଳ ନିବେଦନ କରୁଥିଲେ Iତାଙ୍କ ବିକଳ କାନ୍ଦ ଦେଖି ମୁଖ୍ୟମନ୍ତ୍ରୀ ତୁରନ୍ତ ସେହିଠାରେ ଅଟକିଥିଲେ ଯଦିଓ ତାଙ୍କ ର ଗୁରୁତ୍ୱପୂର୍ଣ ବୈଠକ ଥିଲା I ମହିଳାଙ୍କୁ ତୁରନ୍ତ ହସ୍ପିଟାଲ ପଠାଇବାକୁ ପାଖରେ ଥିବା ସୁରକ୍ଷାବାହିନୀ ଙ୍କୁ କହିଥିଲେ I ଏବଂ ମହିଳାଙ୍କର ତୁରନ୍ତ ଚିକିତ୍ସା ପାଇଁ ହସ୍ପିଟାଲ ର କର୍ତ୍ତୃପକ୍ଷ ଙ୍କୁ ଜଣାଇଥିଲେ I ଘଟଣାଟି ଜଣାପଡିବା ପରେ ଏବେ ସବୁଆଡେ ଚର୍ଚା ଜୋର ଧରିଛି I