ବାବୁଶାନ ଙ୍କ ନକଲି କଣ ଆଂଜ୍ଞା ବିଶ୍ୱାସ କରିପାରୁନାହାନ୍ତି କି ?କିନ୍ତୁ କଥା ଟା ଏକଦମ ସତ ନାମ ସୌମ୍ୟ ରଞ୍ଜନ କିନ୍ତୁ ଯାତ୍ରା ଜଗତ ରେ ସେ ଜୁନିଅର ବାବୁଶାନ ଭାବରେ ଘରେ ଘରେ ପରିଚିତ I ଦେଖିବାକୁ ପୁରା ବାବୁଶାନ ଙ୍କ ଭଳି I ବାବୁଶାନ ଙ୍କ ବଡ ସମର୍ଥକ ମଧ୍ୟ I ଯାତ୍ରା ଇଂଦ୍ରଭୁବନ ର କଳାକାର ସୋମ୍ୟ I ତେବେ ପିଲାଟି ଦିନରୁ ଅଭିନୟ ପ୍ରତି ଥିଲା ଅହେତୁକ ଦୁର୍ବଳତା I
ନବମ ଶ୍ରେଣୀରେ ଏକ ମଞ୍ଚ ରେ ଅଭିନୟ କରୁ କରୁ ଓଡ଼ିଆ ସିନେମା ର ପିତାମହ ଭୀଷ୍ମ ଦେବୁ ବୋଷ ପ୍ରସଂଶା କରିପକାଇଥିଲେ ସୌମ୍ୟ ଙ୍କୁ I ଏବଂ ଭୁବନେଶ୍ୱର କଳାବିକାଶ କେନ୍ଦ୍ର ରେ ତାଲିମ ନେବାକୁ କହିଥିଲେ I ଅଭିନୟ ପ୍ରତି ଥିବା ମୋହ କ୍ରମଶଃ ତାଙ୍କୁ କଳାବିକାଶ ଆଡକୁ ଟାଣିନେଇଥିଲା I
ଶିକ୍ଷା ରେ ଡିପ୍ଲୋମା ଇଲେକ୍ଟ୍ରିକାଲ ଇଞ୍ଜିନିଅର ଥିଲେ ମଧ୍ୟ ଅଭିନୟ ପାଇଁ ଭୁବନେଶ୍ୱର ପଳାଇଆସିଥିଲେ ଓପିଟିସିଏଲ ଏବଂ ପୋଲିସ ଏସଆଇ ଚାକିରୀ ଛାଡିକି I ଓଡ଼ିଆ ସିନେମାରେ ବହୁ ସଂଘର୍ଷ ପରେ ନିଜର ହୋମ ପ୍ରଡକ୍ସନ ରେ ଆଲବମ ଦ୍ୱାରା ଲୋକଙ୍କ ପାଖରେ ପହଂଚିଥିଲେ ସୋମ୍ୟ I
ପରେ ଉର୍ମି କମ୍ୟୁନିକେସନ ଦ୍ୱାରା ଏକ ଘରୋଇ ଟେଲିଭିଜନ ରେ ଚାନ୍ଦ ନା ତୁମେ ତାରା ଧାରାବାହିକ ରେ ଲିଡ଼ ରୋଲ ରେ ଆସିଥିଲେ I ବାସ ଆଉ ପଛକୁ ଫେରିନାହାନ୍ତି ସୌମ୍ୟ I ସିନେମା ଦୁନିଆ ଛାଡି ଯାତ୍ରା ଆଡକୁ ମୁଁହାଇଥିଲେ ଏବଂ ଇଂଦ୍ରଭୁବନ ରେ ଏବେ ଅଭିନୟ କରୁଛନ୍ତି
I ତେବେ ବାବୁଶାନ ଙ୍କ ପରି ଦେଖାଯାଉଥିବାରୁ ସେ ଜୁନିଅର ବାବୁଶାନ ନାମରେ ପରିଚିତ I ଏନେଇ ସୌମ୍ୟ କୁହନ୍ତି ଦିନେ କଳିଙ୍ଗ ସ୍ଟୁଡ଼ିଓ ଭୀତରେ ବାବୁଶାନ ଙ୍କ ସୁଟିଂ ଚାଲିଥିବା ବେଳେ ବାହାରେ ସୋମ୍ୟ ଙ୍କୁ ଦେଖି ଉପସ୍ଥିତ ଲୋକମାନେ ଚମକି ପଡ଼ିଥିଲେ ଏବଂ ଦ୍ୱିତୀୟ ବାବୁଶାନ ବୋଲି ସମ୍ଭୋଧନ କରିଥିଲେ I
