ହ୍ୟୁମାନ ସାଗରଙ୍କ ଏକ ଗୀତ ଆପଣ ନିହାତି ଶୁଣିଥିବେ ଯେ ଫେସବୁକ ରେ ଆଞ୍ଜେଲ ପ୍ରିୟା ନାମରେ କିପରି ନକଲି ଫୋଟ ଦେଇ ଲୋକମାନଙ୍କୁ ଠକୁଥିବା ଝିଅ ଧରାପଡିଥିଲା ଯେ ସେ ଆଞ୍ଜେଲ ପ୍ରିୟା ନୁହେଁ ସୁକୁଟି ସାହୁ ବୋଲି I ଏହା ତ ଏକ ଗୀତ ଥିଲା ବାସ୍ତବରେ ବି ଏମିତି ଏକ ଘଟଣା ଘଟିଛି ତାହା ପୁଣି ଓଡ଼ିଶାରେ I
ଆଞ୍ଜେଲ ପ୍ରିୟା ସାଜି ଦୁଇଜଣ ବାରିପଦା ପୁଅଠାରୁ ୮୭ ଲକ୍ଷଲୁଟିନେଇଛନ୍ତି I ପ୍ରାପ୍ତ ସୂଚନା ଅନୁଯାଇ ଦିଲ୍ଲୀର ଦୁଇ ଯୁବକ ବିନୋଦ କୁମାର ସିଂହ ଓ ସଂଞ୍ଜୀବ କୁମାର ଏକ ନକଲି ଫେସବୁକ ଆଇଡି ଖୋଲି ବାରିପଦାର ତପନ ଦାସଙ୍କ ସହ ଫେସବୁକ ମାଧ୍ୟମରେ ବନ୍ଧୁତା ସ୍ଥାପନ କରିଥିଲେ I ତେବେ ବନ୍ଧୁତା ଏତେ ବଢିଯାଇଥିଲା ଯେ ଉଭୟ ନିଜର ଜାଲ ବିଛାଇ ତପନଙ୍କୁ ଶିକାର କରିଥିଲେ I
ଦିଲ୍ଲୀ ଏୟାରପୋର୍ଟରେ ଉଭୟ ଙ୍କୁ ପୋଲିସ ଅଟକ ରଖିଛି ତେଣୁ ତପନଙ୍କୁ ସାହାଯ୍ୟ ମାଗିଥିଲେ ମିଛେଇ ଆଞ୍ଜେଲ ପ୍ରିୟା I ଆଉ ସାହାଯ୍ୟ ପାଇଁ ତୁରନ୍ତ 87 ଲକ୍ଷ ଟଙ୍କା ଆଞ୍ଜେଲ ପ୍ରିୟା ଙ୍କ ଆକାଉଣ୍ଟସ ରେ ଡିପୋଜିଟ କରିଥିଲେ ତପନ I ପରେ ଜଣାପଡିଥିଲା କି ସେ ଠକେଇ ର ଶିକାର ହେଇଛନ୍ତି ଏବଂ ଲିଖିତ ଅଭିଯୋଗ ପରେ ଉଭୟ ଗିରଫ ହେଇଛନ୍ତି I